ភ្នំពេញៈ លោក ម៉ម សូណង់ដូ ប្រធាន​វិទ្យុ សម្បុក​ឃ្មុំ កាល​ពី​ថ្ងៃ​ម្សិលមិញ បាន​ដាក់​លិខិត​ជូន​ដំណឹង​ជា​ថ្មី​ម្ដង​ទៀត ទៅ​សាលា​រាជធានី​ភ្នំពេញ ស្ដី​ពី​ការ​ធ្វើ​បាតុកម្ម​តវ៉ា​នៅ​មុខ​ក្រសួង ព័ត៌មាន ដោយ​ចាប់​ផ្ដើម​ពី​ថ្ងៃ​ចន្ទ​សប្ដាហ៍​ក្រោយ ដើម្បី​ទាមទារ​ឲ្យ​រដ្ឋាភិបាល​ផ្ដល់​ការ​អនុញ្ញាត​ច្បាប់ បង្កើត​ស្ថានីយ​ទូរទស្សន៍ និង​ពង្រីក​កម្លាំង​ផ្សាយ​ត​ភ្ជាប់​អនុ​ស្ថានីយ​វិទ្យុ​ទៅ​តាម​បណ្ដា​ខេត្ត-ក្រុង​នានា​ទូទាំង​ប្រទេស។