ភ្នំពេញៈ លោក​នាយក​រដ្ឋមន្ត្រី ហ៊ុន សែន អំពាវនាវ​ឲ្យ​សមាជិក​គណបក្ស​សង្គ្រោះ​ជាតិ​ចុះ​ចូល​ជាមួយ​គណបក្ស​ប្រជាជន​កម្ពុជា​ឲ្យ​បាន​មុន​ថ្ងៃ​ទី​ ១៦ ខែ​វិច្ឆិកា​គឺ​នៅ​មុន​ពេល​ដែល​គណបក្ស​ប្រឆាំង​មួយ​នេះ​ត្រូវ​រំលាយ ក៏​ប៉ុន្តែ​មន្ត្រី​ជាន់​ខ្ពស់​គណបក្ស​សង្គ្រោះ​ជាតិ​បាន​ចាត់​ទុក​ការ​ថ្លែង​របស់​លោក​នាយក​រដ្ឋមន្ត្រី​ថា ​ជា​ការ​ «​អំពាវនាវ​ដោយ​អស់​សង្ឃឹម​» ខណៈ​ដែល​ទូរទស្សន៍​ជាតិ​កម្ពុជា​ ក៏​បាន​ចេញ​ផ្សាយ​វីដេអូ​មួយ​បញ្ជាក់​ថា​ បក្ស​សង្គ្រោះជាតិ​រៀបចំ​ធ្វើ​បដិវត្តន៍​ពណ៌​។