ភ្នំពេញៈ អ្នកស្រី ឡាយ ហួង អាយុ ៤៩​ឆ្នាំ​អតីត​ភរិយា ឧកញ៉ា ខូវ ផល្លាបុត្រ ជា​បុត្រ​ច្បង​អ្នក​ឧកញ៉ា ខូវ ជឺលី បាន​និយាយ​ប្រាប់​តុលាការ​ពី​ចុង​សប្តាហ៍​កន្លង​ទៅ​ថា គាត់​អត់​មាន​ពាក់​ព័ន្ធ​ជាមួយ​រឿង​រ៉ាវ​ក្រុម​គ្រួសារ​លោក​ស៊ុន ចាន់ថុល (រដ្ឋ​មន្ត្រី​ក្រសួង​ពាណិជ្ជកម្ម) និង​ជម្លោះ​ដណ្តើម​ទ្រព្យ​សម្បត្តិ​នៅ​ក្នុង​ត្រកូល​ឧកញ៉ា ខូវ ជឺលី ទេ។ រឿង​នេះ មាន​គេ​ធ្វើ​បាប​មួល​បង្កាច់ គាត់​និង​ជា​រឿង​អយុត្តិធម៌​បំផុត​ក្នុង​ជីវិត​គាត់ ខណៈ​ដើម​បណ្តឹង​កន្លង​មក​អះ​អាង​ថា​មាន​ភ័ស្តុ​តាង​រឹង​មាំ​ក្នុង​ការ​ដាក់​បន្ទុក។