បន្ទាយមានជ័យៈ អភិបាល​ខេត្ដ​បន្ទាយមានជ័យ​លោក គោស៊ុំ សារឿត កាលពី​ម្សិលមិញ បាន​​បញ្ជា​ឲ្យ​កម្លាំង​សមត្ថកិច្ច​ចុះ​ធ្វើការ​ស្រាវជ្រាវ​ជា​បន្ទាន់ ចំពោះ​ករណី​ប៉ះទង្គិច​ដោយ​ហិង្សា រវាង​ក្រុម​កម្មករ​អូស​រទេះ និង​សមត្ថកិច្ច​ចម្រុះ នៅ​មុខ​ការិយាល័យ​គយ​ និង​រដ្ឋាករ កាលពី​ថ្ងៃ​ចន្ទ​ ដែល​បាន​ធ្វើឲ្យ​មាន​មនុស្ស​យ៉ាង​តិច​បួន​នាក់​រងរបួស និង​ខាត​បង់​ប្រាក់​ចំណូល​ពន្ធ​ប្រមាណ ១៥០០ លាន​រៀល​។