កោះកុងៈ អភិបាល ខេត្ត​កោះកុង លោក ប៊ុន លើត កាល​ពី​ម្សិល​មិញ​បាន​ចុះ​ទៅ​ជួប​ជាមួយ​ប្រជា​ពលរដ្ឋ​ជាង ៣០០ នាក់​នៅ ឃុំ​តានួន ស្រុក​បុទុម​សាគរ ដែល​មាន​ជម្លោះ​ដីធ្លី​រ៉ាំរ៉ៃ​ជាមួយ​ក្រុម​ហ៊ុន​ចិន ញូនៀន ឌឺវើលុបមិន គ្រុប បន្ទាប់​ពី​លោក​នាយក​រដ្ឋ​មន្ត្រី ហ៊ុន សែន បញ្ជា​ឲ្យ​គណៈ​អភិបាល​គ្រប់​ខេត្ត​រក​ដំណោះ​ស្រាយ​ជូន​ប្រជា​ពលរដ្ឋ​រឿង​ជម្លោះ​ដី​ធ្លី​ជាមួយ​ក្រុម​ហ៊ុន​ដើម្បី​កុំ​ឲ្យ​ប្រជា​ពលរដ្ឋ​ឡើង​មក​ភ្នំពេញ។