ភ្នំពេញៈ អង្គការ​សង្គម​ស៊ីវិល ​និង​ឧត្តម​ស្នងការ​សហប្រជាជាតិ​បាន​ជំរុញ​​ឱ្យ​ក្រុមហ៊ុន​អភិវឌ្ឍន៍ ឬ​សាជីវកម្ម​នានា​ត្រូវ​​ប្រតិបត្តិ​គម្រោង​អភិវឌ្ឍន៍ និង​ការ​ធ្វើ​អាជីវកម្ម​ផ្សេងៗ​របស់​ខ្លួន​ប្រកប​​ដោយ​ការ​ទទួល​ខុស​ត្រូវ​ដោយ​មាន​ការ​គោរព​សិទ្ធិ​មនុស្ស និង​​កាត់​បន្ថយ​ការ​ប៉ះពាល់​ដល់​បរិស្ថាន​ខណៈ​ដែល​ក្នុង​រយៈពេល​ជាច្រើន​ឆ្នាំ​កន្លង​មក​នេះ​គម្រោង​អភិវឌ្ឍន៍​ជាច្រើន​ជាពិសេស​ក្រុមហ៊ុន​ដីសម្បទាន​សេដ្ឋកិច្ច​បាន​ធ្វើ​ឲ្យ​មាន​ផលប៉ះពាល់​យ៉ាង​ខ្លាំង​​ដល់​ផ្ទះ​សំបែង​​ និង​ដីធ្លី​របស់​ប្រជាពលរដ្ឋ​ព្រម​ទាំង​​ព្រៃឈើ​។