ភ្នំពេញៈ គណបក្ស​សង្រ្គោះ​ជាតិ​បាន​ចេញ​សេចក្តី​ថ្លែង​ការណ៍​មួយ​នៅ​ថ្ងៃ​ពុធ​នេះ សម្តែង​ការ​សោក​ស្តាយ​ចំពោះ​ការ​បង្រ្កាប​ដោយ​ហិង្សា​មក​លើ​ការ​ជួប​ជុំ​របស់​ប្រជាពលរដ្ឋ​រងគ្រោះ​ដោយ​បញ្ហា​ដីធ្លី មក​ពី​ស្រុក​ជាំ​ក្សាន្ត ខេត្ត​ព្រះវិហារ នៅ​ក្បែរ​វិមាន​ឯករាជ្យ កាល​ពី​ថ្ងៃ​ទី២០ ខែ​តុលា ក្នុង​គោល​បំណង​ដើម្បី​យក​ញត្តិ​រក​អន្តរាគមន៍​ក្នុង​ជម្លោះ​ដីធ្លី ជូន​ដល់​លោក​នាយក​រដ្ឋ​មន្ត្រី ហ៊ុន សែន។