ក្រុងឡូសអេនជឺលេស: ខណៈរថយន្ដ Lexus UX ដំបូងបំផុតនៅកំពុងតែតាំងបង្ហាញនៅក្រុងឡូសអេនជឺលេស រហូតដល់ថ្ងៃទី ៩ ខែធ្នូនៅ Automobility LA ម៉ូដែល Lexus UX ដ៏ថ្មីសន្លាងនេះ បានទៅដល់ហាងលក់រាយប្រទេសជប៉ុនកាលពីថ្ងៃពុធកន្លងទៅថ្មីៗនេះហើយ។
Lexus UX ថ្មីត្រូវបានរចនាឡើងនៅតែរក្សាម៉ូដែលសែស្រឡាយ ខណៈរចនាប័ទ្មលាយជាមួយរូបរាងស្ព័របែបសហសម័យ។ កៅអីមុខ ដែលមានសភាពធំទូលាយ ត្រូវបានរចនាថ្នេរសាស៊ីកុ «សិល្បៈដេរប៉ាក់បុរាណ» និងតុបតែងលើតាបឡូដោយក្រដាសប្រពៃណីជប៉ុនឈ្មោះ វ៉ាស៊ិ។
ដើម្បីបង្កើនកត្ដាសុខសុវត្ថិភាពដល់អ្នកបើកបរ UX ត្រូវបានបំពាក់បច្ចេកវិទ្យា Lexus Safety System + ចុងក្រោយបំផុត ដែលធ្វើការជាមួយអ្នកបើកបរដើម្បីបញ្ចៀសការប៉ះពារអ្នកថ្មើរជើង និងអ្នកជិះកង់ ឲ្យរក្សាគន្លងយ៉ាងត្រឹមត្រូវពេលប្រើប្រព័ន្ធគ្រប់គ្រងការបើកបរ អាចកែសម្រួលតួទាបខ្ពស់ទៅតាមស្ថានភាព និងបង្ហាញព័ត៌មានសញ្ញាលើដងផ្លូវក្នុងអេក្រង់កញ្ចក់ក្នុងករណីអ្នកបើកបរមិនបានមើល។
Lexus UX ត្រូវបានផលិតឡើង ២ ម៉ូដែលគឺ UX 200 និង UX 250h ដែលប្រើបច្ចេកវិទ្យាកូនកាត់។ ម៉ាស៊ីនអតីតម៉ូដែលស្ព័រ V4 ចំណុះ ២,០ លីត្រ ថាមពលកង់មុខ ហើយម៉ូដែលក្រោយនេះបំពាក់ប្រព័ន្ធបច្ចេកវិទ្យាកូនកាត់ជំនាន់ថ្មី ចំណុះ ២,០ លីត្រ តម្រូវទៅតាមជម្រើសរបស់អតិថិជនរវាងថាមពលកង់មុខ និងកង់ទាំង ៤។
UX 200 មានតម្លៃចាប់ពី ៣,៩ លានយ៉េន (៣៤៥០០ ដុល្លារ) និង UX 250h មានតម្លៃចាប់ពី ៤,២៥ លានយ៉េន (៣៧៥៩០ ដុល្លារ) ជាថ្លៃដើមចេញពីរោងចក្រ៕HR