.jpg)
អតិថិជនទទួលបទពិសោធពីបច្ចេកវិទ្យាចក្ខុទស្សន៍របស់ហ្វេសប៊ុក។ AFP
ក្រុងសាន់ចូស: ហ្វេសប៊ុកដល់ពេលប្រកាសលក់កាសចក្ខុទស្សន៍ដែលអាចប្រែក្លាយបច្ចេកវិទ្យា VR ធម្មតាទៅជាបាតុភូតដ៏អស្ចារ្យ។
ឧបករណ៍តម្លៃ ១៩៩ ដុល្លារ ឈ្មោះ Oculus Go បានដាក់លក់នៅថ្ងៃអង្គារកន្លងទៅថ្មីៗនេះ។ អគ្គនាយកហ្វេសប៊ុក លោក ម៉ាក ហ្សាកឃើប៊ឺក បានប្រកាសគម្រោងផលិតកាសចក្ខុទស្សន៍នេះតាំងពី ៦ ខែមុន។
Oculus Go មានលក្ខណៈខុសប្លែកពីឧបករណ៍ VR ដទៃទៀត ដែលតម្រូវឲ្យបំពាក់ទូរស័ព្ទស្មាតហ្វូន ឬភ្ជាប់ជាមួយកុំព្យូទ័រ ដើម្បីទទួលបានការកម្សាន្ដក្នុងពិភពសិប្បនិម្មិត។
ការតម្រូវឲ្យភ្ជាប់ជាមួយឧបករណ៍ដទៃជាមូលហេតុចម្បងមួយ ដែលបច្ចេកវិទ្យា VR មានគុណភាពកំណត់។
លោក ហ្សាកឃើប៊ឺក មានជំនឿចិត្ដថា Oculus Go បើកចក្ខុមហាជនកាន់តែទូលំទូលាយចំពោះបច្ចេកវិទ្យា VR ជំនាន់ថ្មី ខណៈហ្វេសប៊ុកព្យាយាមបង្កើនបញ្ជ្រាបឧបករណ៍បច្ចេកវិទ្យារបស់ខ្លួនបន្ថែមទៀតដូចអ្វីដែលខ្លួនកំពុងគ្រប់គ្រងលើបណ្ដាញសង្គមសព្វថ្ងៃ។
ចំណុចល្អគឺថា វាមានតម្លៃថោកសមរម្យ ងាយស្រួលប្រើ មិនចាំបាច់ភ្ជាប់ជាមួយទូរស័ព្ទ ឬកុំព្យូទ័រ គុណភាពរូបភាពច្បាស់ល្អ។ ចំណែកឯចំណុចអវិជ្ជមានរបស់វាគឺ ការពាក់យូរមិនមានផាសុកភាព។ វាក៏នៅមានកម្រិតបើធៀបនឹងឧបករណ៍ឥតខ្សែដទៃ ដូចជា ម៉ូដែល Mirage Solo របស់ Lenovo តម្លៃ ៤០០ ដុល្លារ ដែលអាចធ្វើចលនាបត់តែ ៦ មុំសម្រាប់គន់ទិដ្ឋភាពជុំវិញខ្លួន។
ម៉ូដែល Oculus Go អាចបង្វិលក្បាល និងដៃ តែមិនអាចធ្វើចលនាផ្លាស់ទីជុំវិញបានឡើយ៕HR
