.jpg)
សៀវភៅរៀបរាប់ពីប្រវត្តិរថយន្ត Ferrari ១ ក្បាល ៣ ម៉ឺនដុល្លារ។
ក្រុងរ៉ូម: ៣ ម៉ឺនដុល្លារទំនងជាមិនអាចទិញរថយន្ដម៉ាក Ferrari បានទេ តែវាគ្រប់ល្មមចំពោះតម្លៃសៀវភៅបោះពុម្ពយ៉ាងពិសេសស្ដីពីប្រវត្ដិយីហោរថយន្ដស្ព័រនិមិត្តរូបនេះ។
មុននឹងស្រឡាំងកាំងចំពោះតម្លៃ អ្នកគួរតែដឹងថា វារួមបញ្ចូលទាំងដែកចម្លាក់ដ៏ស្រស់ស្អាត និងជើងតាំងសៀវភៅដ៏រលោងព្រិល ព្រមទាំងប្រអប់អាលុយមីញ៉ូមសម្រាប់ដាក់សៀវភៅដ៏កម្រនេះថែមទៀត។
សរុបទាំងអស់ ស្នាដៃសិល្បៈទាំង ២ ប្រភេទនេះ រចនាឡើងដោយអ្នករចនា ម៉ាក ញូវសុន ដែលបានចម្លងតាមម៉ាស៊ីនម៉ូដែល V12 ដ៏អស្ចារ្យរបស់ Ferrari។ ក្រោមចំណងជើង ដ៏សាមញ្ញ «Ferrari» សៀវភៅនេះត្រូវបានចាត់ទុកជា «សៀវភៅយក្ស» និងរួមបញ្ចូលនូវរូបឯកសារជាច្រើនសន្លឹកពី Ferrari ដែលរៀបរាប់អំពីប្រវត្ដិរថយន្តអ៊ីតាលីនេះ។
សៀវភៅសរុបចំនួន ១៩៤៧ ក្បាលនឹងត្រូវដាក់លក់ ដែលមានចំនួនតែ ២៥០ ក្បាលត្រូវលក់ក្នុងតម្លៃ ៣ ម៉ឺនដុល្លារ។ ដូច្នេះ ទោះអ្នកមានលុយចាយមិនអស់ ពេលខ្លះ អ្នកក៏មិនប្រាកដថាទិញបានដែរ។
សំណាងណាស់ អ្នកនៅតែអាចទិញមួយក្បាលពីចំណោម ១៦៩៧ ក្បាលចំពោះប្រភេទបោះពុម្ពមានកំណត់ នូវតម្លៃតែ ៦០០០ ដុល្លារ វាមានតម្លៃថោកជាង តែមានត្រឹមប្រអប់អាលុយមីញ៉ូមប៉ុណ្ណោះ។
បោះពុម្ពដោយ Taschen សៀវភៅ Ferrari បានបង្ហាញនូវរូបភាពរថយន្ដ Ferrari រាប់រយប្រភេទទាំងពីក្រុមហ៊ុន និងអ្នកជាវទុកជាឯកជន ដើម្បីលាតត្រដាងការពិតពីរឿងរ៉ាវទាំងស្រុងរបស់អ្នកនៅពីក្រោយភាពជោគជ័យ អតីតកាល និងអនាគត Ferrari។
Ferrari មាន ៥១៤ ទំព័រ ទាំង ១៩៤៧ ក្បាលនេះ ក៏មានភ្ជាប់នូវហត្ថលេខាពីលោក Piero Ferrari ជាអគ្គនាយករងក្រុមហ៊ុន និងជាកូនរបស់ស្ថាបនិក Enzo Ferrari ដែលកំពុងមានជីវិត៕HR
