ប្រមាណ​ពីរ​ឆ្នាំ​មុន​នៅ​ពេល​ដែល​ខ្ញុំ​ទើប​តែ​បញ្ចប់​ការសិក្សា​នៅ​មហាវិទ្យាល័យ ខ្ញុំ​បាន​បោះ​ជំហាន​ដំបូង​ចូល​មក​ក្នុង​សង្គម​ដ៏ស្មុគស្មាញ​នៃ​មនុស្ស​ពេញវ័យ​។ ដូច​យុវជន​ដែល​មាន​វ័យ​ស្រករ​នឹង​គ្នា​ដទៃ​ទៀត​ដែរ យើង​ត្រូវ​ប្រឈម​នឹង​ប្រធានបទ​ជីវិត​ថ្មីៗ​ជាច្រើន ជាពិសេស​ការ​ចូល​ខ្លួន​មក​ក្នុង​មជ្ឈដ្ឋាន​ការងារ​។ សម្រាប់​ខ្លួន​ខ្ញុំ​ផ្ទាល់ វា​ហាក់​ដូចជា​លំបាក​បន្តិច​នៅ​ពេល​ដំបូង ខណៈ​ដែល​ខ្ញុំ​ធ្លាប់​តែ​ជា​មនុស្ស​ដែល​ស្គាល់​តែ​សៀវភៅ និង​ថ្នាក់​រៀន​សឹង​តែ​មិន​មាន​បទពិសោធ​ជាក់ស្តែង​អ្វី​សោះ​នៅ​ក្នុង​សង្គម​។