ស្រី វង្ស មេត្រី និង​ស្វាមី​របស់​គាត់ គឺជា ស្ថាបនិក​សមាគម ​សិល្បៈ​អប្សរា តាំងពី​ឆ្នាំ​ ១៩៩៨ មក​ម្ល៉េះ​។ សមាគម​នេះ​ពុំ​មែន​ជា​ការ​ប្រមូលផ្តុំ​ក្រុម​សិល្បករ-សិល្បការិនី​អាជីព ដូច​ដែល​យើង​​នឹកស្រមៃ​នោះ​ទេ ប៉ុន្តែ​ទីនេះ គឺជា​បណ្តុំ​នៃ​ក្រុម​កុមារ​ក្រីក្រ​ភេទស្រី​ភាគច្រើន​លើសលប់ ដែល​ស្វះស្វែង​រក​ចំណេះវិជ្ជា​ទុក​ជា​ទុន​សម្រាប់​ចិញ្ចឹម​ជីវិត​របស់​ពួក​ខ្លួន ខណៈ​ដែល​ពួកគេ​ខ្លះ​គ្មាន​ទាំង​លទ្ធភាព​ទៅ​​​សិក្សា​ចំណេះ​ទូទៅ​នៅឯ​សាលារដ្ឋ​ផង​នោះ​។