១. ដំបូង​ការ​បង្កើត​រដ្ឋ មាន​តែ​ធាតុ​ពីរ​ប៉ុណ្ណោះ​គឺ​រដ្ឋាភិបាល និង​រាស្ត្រ ចង​គ្នា​ជា​កិច្ច​សន្យា​សង្គម។ ជា​ទូទៅ ធម្មជាតិ​នៃ​រដ្ឋាភិបាល គឺ​ពង្រឹង​អំណាច​នយោបាយ ច្រើន​ជាង​ស្តាប់​រាស្ត្រ។ នេះ​មិន​គិតពី​របៀប​ថា តើ​អ្នក​ដឹក​នាំ​រដ្ឋ​ឡើង​តាម​របៀប​ណា​ផង។ ដូច​នេះ​ហើយ ទើប​លេច​ចេញ​ជា​ការ​បោះ​ឆ្នោត​ឡើង ជា​វិធី​តែ​មួយ​គត់ បង្ហាញ​ពី​ឆន្ទៈ​រាស្ត្រ។ ការ​បោះ​ឆ្នោត ក៏​ក្លាយ​ជា​បេះដូង​របស់​របប​នយោបាយ​ប្រជាធិបតេយ្យ។ តែ​ទោះ​ជា​យ៉ាង​ណា រដ្ឋ​មួយ ដែល​មាន​តែ​រដ្ឋាភិបាល និង​រាស្ត្រ​គឺ​មិន​គ្រប់​គ្រាន់​ទេ។