ភ្នំពេញៈ នៅ​លើ​ពិភព​លោក​ មាន​មនុស្ស​ស្លាប់​ដោយ​​សារ​​​ការ​​ជក់​​បារី​ប្រហែល ​៥,៤ ​លាន​នាក់​នៅ​ក្នុង​​មួយ​​ឆ្នាំ​​ៗ​​ (របាយ​ការណ៍ WHO ឆ្នាំ​​ ២០០៨)​ ​ ហេតុ​​ដូច្នេះ​ហើយ​បណ្តា​​ប្រទេស​ជឿន​លឿន​បាន​ដំឡើង​ពន្ធ​លើ​បារី​ ដើម្បី​កាត់​បន្ថយ​អ្នក​ជក់​។​ ​ជាង​នេះ​ទៅ​ទៀត​នេះ​ អ្វី​ដែល​ខ្ញុំ​ធ្លាប់​​ជួប​ប្រទះ​ចម្លែក​ជាង​​ប្រទេស​​មួយ​ចំនួន​នោះ​ នៅ​ឯ​ប្រទេស​បារំាំង​ គឺ​ការ​សុំ​បារី​គេ​ជក់​ជា​រឿង​ធម្មតា​ទៅ​ហើយ​ ដោយ​មិន​មាន​​ការ​ខ្មាស​អៀន​ទេ​។ ​ ​នេះ​ដោយ​សារ​តម្លៃ​បារី​បាន​ឡើង​ថ្លៃ​ពេក​ ធ្វើ​ឲ្យ​អ្នក​ជក់​ព្យា​យាម​ផ្តាច់​ការ​ជក់​បារី​តាម​រយៈ​​ការ​ហាម​ខ្លួន​​ ឈប់​ទិញ​បារី​ ហើយ​​សុំ​គេ​ម្តង​ម្កាល​វិញ ធ្វើ​ឲ្យ​ពួក​គេ​ភ្លេច​ការ​ជក់​។