«ចេះ​មកពី​រៀន​មាន​មកពី​រក» ជា​សុភាសិត​ខ្មែរ​ដែល​មាន​តម្លៃ​មិន​ចេះ​រីងស្ងួត។ ឧបនិស្ស័យ​ពី​កំណើត​មាន​ចំណែក​តែ​មួយ​​ផ្នែក​ក្នុង​ការ​ជួយ​ឲ្យ​មនុស្ស​ម្នាក់​ក្លាយ​ជា​មនុស្ស​ពូកែ។ មាន​តែ​ការ​ខំប្រឹង​សង្វាត​រៀនសូត្រ​សង្កេត​ពិចារណា​ជា​ប្រចាំ​ទើប​អាច​បណ្ដុះ​បាន​អ្នក​ចេះដឹង។ យើង​​ទទួល​ចំណេះដឹង​តាមរយៈ​ការ​អប់រំ​ក្នុង​គ្រួសារ​ និង​សាលា។ គេ​តែង​និយាយ​ថា សញ្ញាបត្រ​មិន​​ស្មើ​សញ្ញា​ឃើញ​ឡើយ​ក្នុង​ន័យ​​ថា​ចេញពី​សាលា​មិន​ប្រាកដ​ថា​ចេះ​ធ្វើ។