ភ្នំពេញៈ យុវជន​ជាប់​ចោទ ២​នាក់ កាល​ពី​ព្រឹក​ថ្ងៃ ទី៤ ខែ​វិច្ឆិកា ត្រូវ​ចៅក្រម​ជំនុំ​ជម្រះ​នៃ​សាលា​ដំបូង​រាជធានី​ភ្នំពេញ ប្រកាស​សាលក្រម​ផ្តន្ទាទោស​ដាក់​គុក​ម្នាក់ៗ រយៈ​ពេល ៧ ឆ្នាំ និង​បង្គាប់​ឲ្យ​សង​ប្រាក់​រួម​គ្នា​ចំនួន ២០ លាន​រៀល ទៅ​ដើម​ចោទ​ពីបទ «រំលោភ​សេព​សន្ថវៈ​មាន​ស្ថាន​ទម្ងន់​ទោស» ពាក់​ព័ន្ធ​នឹង​ករណី​ល្បួង​ក្មេង​ស្រី​វ័យ ១១ ឆ្នាំ​ម្នាក់​នាំ​ទៅ​រំលោភ​សេព​សន្ថវៈ​បាន​សម្រេច​នៅ​ក្នុង​ផ្ទះ​ជួល មួយ​កាល​ពី ខែ​មេសា នៅ​ក្នុង ភូមិ-សង្កាត់​ទួលសង្កែ ខណ្ឌ​ឫស្សីកែវ រាជធានី​ភ្នំពេញ។