ភ្នំពេញ: បុរស​ជា​ជនជាប់ចោទ​ម្នាក់​ដែល​តាំង​ខ្លួន​ជា​ឧត្តមសេនីយ៍​ផ្កាយ​ ២ ដែល​យក​ឈ្មោះ​លោក​ឧត្តមសេនីយ៍​ឯក ហ៊ុន ម៉ាណែត អគ្គមេបញ្ជាការរង​ និង​ជា​នាយរង​សេនាធិការ​ចម្រុះ​កងយោធពល​ខេមរភូមិន្ទ​នៃ​ក្រសួង​ការពារ​ជាតិ​មក​ប្រើ​ដើម្បី​ជ្រើសរើស​ទាហាន​បាន​បញ្ជូន​ឡើង​សវនាការ​នៅ​សាលា​ដំបូង​រាជធានី​ភ្នំពេញ​កាលពី​ម្សិលមិញ ប៉ុន្តែ​សាលក្រម​មិន​ត្រូវ​បាន​ប្រកាស​ភ្លាមៗ​បន្ទាប់ពី​ចប់​សវនាការ​នោះ​ទេ ដោយ​ត្រូវ​បាន​ពន្យារ​ទៅ​ប្រកាស​នៅ​ពាក់កណ្ដាល​ខែ​សីហា​។ នៅក្នុង​សវនាការ​នេះ​ដែរ​ជន​ជាប់ចោទ​បាន​សុំ​ឲ្យ​តុលាការ​បន្ធូរបន្ថយ​ទោស​ចំពោះ​ទង្វើ​ដែល​គេ​បាន​ធ្វើ​។