បាត់ដំបងៈ បុគ្គលិក​ដោះមីន​នៅ​អង្គការ ហេឡូត្រាស ២​នាក់ ត្រូវ​មីន​តោន​មួយ​គ្រាប់​ផ្ទុះ​ស្លាប់​ខណៈ​ពួក​គេ​កំពុង​ប្រតិបត្តិការ​ដោះ​មីន​កាល​ពី​ថ្ងៃ​សៅរ៍​នៅ ស្រុក​សំឡូត។ លោក​ស្រី ទៀង សុវណ្ណផល្លា មន្រ្តី​អប់រំ​ពី​មីន​នៃ​អង្គការ ហាឡូត្រាស ខេត្ត​បន្ទាយ​មាន​ជ័យ បាន​ឲ្យ​ដឹង​ថា ក្នុង​គ្រោះថ្នាក់​ដែល​បណ្តាល​ឲ្យ​បុគ្គលិក ហេឡូត្រាស ស្លាប់ ២​នាក់ នេះ​វា​ជា​រឿង​គួរ​ឲ្យ​សោកស្តាយ​ណាស់។ «ខាង​ខ្ញុំ​គ្រាន់​តែ​ដឹង​ថា បុគ្គលិក​យើង​ស្លាប់​មែន​ពួក​គាត់​ជួប​គ្រោះ​អាក្រក់​តែ​ខ្ញុំ​មិន​ស្គាល់​ឈ្មោះ​គាត់​ទេ»។