ក្រុងវ៉ាស៊ីងតោន: អ្នកម្ដាយ ដែលទទួលទានច្រើនអំឡុងពេលបំបៅកូនដោយទឹកដោះ អាចធ្វើឲ្យទារកប្រឈមនឹងការធាត់ឡើងទម្ងន់ជ្រុល និងឆាប់ពេញវ័យ មុនកាលកំណត់។
បញ្ហាឆាប់ពេញវ័យ អាចបង្កជាហានិភ័យនៃជំងឺទឹកនោមផ្អែម ឬបញ្ហាការបន្ដពូជក្នុងគ្រានៃជីវិត។ នេះបើយោងតាមឯកសារដែលធ្វើបទបង្ហាញនៅកិច្ចប្រជុំប្រចាំឆ្នាំលើកទី ១០០ របស់ Endocrine Society ក្នុងក្រុងឈីកាហ្គោ។
លោក វ៉ាង ម៉េងជី អ្នកដឹកនាំការស្រាវជ្រាវបានប្រាប់ Xinhua ថា៖ «យើងបានផ្ដល់របបអាហារខ្លាញ់ច្រើនដល់កណ្ដុរចាប់ពីពេលវាផ្ដល់កំណើតកូន និងចាប់ផ្ដើមបំបៅដោះកូនរហូតដល់ពួកវាផ្ដាច់ដោះ។ វាមានពេលវេលាយ៉ាងតិច ២១ ថ្ងៃ។ ការសិក្សាក្រុមទី ២ មេកណ្ដុរត្រូវបានផ្ដល់របបអាហារធម្មតាក្នុងបរិមាណប៉ុនគ្នា»។
លោក វ៉ា ជាជំនួយការសាស្ដ្រាចារ្យសាកលវិទ្យាល័យតូឡេដូ នៃមហាវិទ្យាល័យវេជ្ជសាស្ដ្រ និងវិទ្យាសាស្ដ្រជីវិតរដ្ឋអូហាយ៉ូ ឲ្យដឹងថា៖ «លទ្ធផលទាំងនេះ បានបង្ហាញថា ដំណាក់កាលបំបៅដោះកូនពិតជាសំខាន់ដែលមានឥទ្ធិពលលើការពេញវ័យក្រមុំ»។
លោកបានសម្គាល់ថា នៅទូទាំងពិភពលោក ការពេញវ័យ ចាប់ផ្ដើមឆាប់រហ័សជាងសម័យមុន។
លោក វ៉ាង បានបន្ដថា៖ «ការបំបៅទឹកដោះគោទាក់ទងនឹងកំណើនហានិភ័យធាត់លើសទម្ងន់ចំពោះកុមារ។ លទ្ធផលទាំងនេះ យ៉ាងណាមិញ ពេលម្ដាយបំបៅដោះកូន មិនទទួលទានអាហារសមល្មម និងប្រកបដោយសុខភាព វាអាចបង្កើនហានិភ័យ សុខភាពផ្សេងៗចំពោះកូន»៕HR