ភ្នំពេញៈ ខណៈ​កម្ពុជា ទទួល​បាន​ចំណាត់​ថ្នាក់​អាក្រក់​បំផុត​ក្នុង​តំបន់​នេះ នៅ​ក្នុង​សន្ទស្សន៍​អំពើ​ពុក​រលួយ​របស់​ពិភពលោក លោក​នាយក​រដ្ឋ​មន្ត្រី ហ៊ុន សែន នៅ​សប្តាហ៍​នេះ​មិន​បាន​ស្តី​បន្ទោស​ដល់​មន្ត្រី​រដ្ឋាភិបាល​ក្នុង​រឿង​អំពើ​ពុក​រលួយ​នោះ​ទេ ប៉ុន្តែ​បាន​ទម្លាក់​កំហុស​ទៅ​លើ​វិស័យ​ឯកជន​ថា ជា​អ្នក​សូក​ប៉ាន់​មន្ត្រី ដោយ​អះអាង​ការពារ​មន្ត្រី​រដ្ឋាភិបាល​ក្នុង​ករណី​នេះ​ទៀត​ផង។ ថ្មីៗ​នេះ​អង្គភាព​ប្រឆាំង​អំពើ​ពុក​រលួយ​បាន​ធ្វើ​សិក្ខាសាលា​ផ្ដល់​គោល​ការណ៍​ដល់​សហគមន៍​ពាណិជ្ជកម្ម​ឲ្យ​ដឹង​ពី​វិធី​ប្រឆាំង និង​ដោះ​ស្រាយ​ជាមួយ​អំពើ​ពុក​រលួយ។