.jpg)
វ៉ាស៊ីនតោនៈ កំណត់ហេតុកិច្ចប្រជុំបានបង្ហាញកាលពីថ្ងៃពុធថា ក្រុមប្រធានធនាគារកណ្ដាលអាមេរិកបានបង្កើនការបារម្ភកាន់តែខ្លាំងពីការធ្លាក់ចុះកំណើនពិភពលោក និងសង្គ្រាមពាណិជ្ជកម្មរបស់លោកប្រធានាធិបតី ដូណាល់ ត្រាំ ដែលនឹងអាចធ្វើឲ្យធ្លាក់ចុះការជ្រើសរើសបុគ្គលិក។
កំណត់ហេតុបានពីកិច្ចប្រជុំថ្ងៃទី ១៧ និងទី ១៨ ខែកញ្ញារបស់ធនាគារកណ្ដាលអាមេរិកបង្ហាញថា ខណៈចក្ខុវិស័យនៅតែល្អសម្រាប់ពេលនេះ ជាមួយនឹងទីផ្សារការងារដ៏រឹងមាំ អត្រាគ្មានការងារធ្វើទាបជាប្រវត្តិសាស្ដ្រ និងការបន្តរបស់សាធារណជនទូទៅក្នុងការរឹតត្បិតការចំណាយ ទិន្នន័យសេដ្ឋកិច្ចនៅពេលថ្មីៗកាន់តែចុះខ្សោយបានដាក់ហានិភ័យនៅពេលខាងមុខ។ កំណត់ហេតុនេះបង្ហាញថា៖ «ក្រុមអ្នកចូលរួមជាទូទៅមានការបារម្ភកាន់តែខ្លាំងអំពីហានិភ័យជាប់ទាក់ទងនឹងភាពតានតឹងពាណិជ្ជកម្ម និងការអភិវឌ្ឍអវិជ្ជមាននៅក្នុងវិស័យសេដ្ឋកិច្ចនយោបាយ និងពិភពលោក»។
មនុស្សជាច្រើនកត់សម្គាល់ថា គំរូវាស់វែងកម្រិតលទ្ធភាពនៃការដើរថយក្រោយនៃសេដ្ឋកិច្ចកើតឡើងគួរឲ្យកត់សម្គាល់ក្នុងរយៈពេលប៉ុន្មានខែថ្មីៗនេះ។
នៅក្នុងកិច្ចប្រជុំខែកញ្ញា ភាគច្រើននៃអ្នកបង្កើតគោលនយោបាយធនាគារកណ្ដាលអាមេរិកបានបោះឆ្នោត ដើម្បីកាត់បន្ថយអត្រាការប្រាក់ ហើយទីផ្សាររំពឹងថា ពួកគេនឹងធ្វើដូច្នេះជាថ្មីម្ដងទៀតនៅចុងខែនេះដែលដើរតួនាទីក្នុងការការពារសេដ្ឋកិច្ចឈានមុខគេរបស់ពិភពលោកមួយនេះ ដោយសារតែការនាំចេញចុះខ្សោយ ការចំណាយផ្នែកឧស្សាហកម្មកើនឡើងតម្រូវការបរទេសធ្លាក់ចុះ និងនិន្នាការកំណើនធ្លាក់ចុះ។
កំណត់ហេតុនេះបង្ហាញថា ប៉ុន្តែសមាជិកធនាគារកណ្ដាលមួយនេះកំពុងដោះស្រាយរូបភាពសេដ្ឋកិច្ចដ៏ស្មុគស្មាញ ដោយសារការអភិវឌ្ឍដែលគួរឲ្យបារម្ភកំពុងចូលសន្សឹមៗ។
ខណៈក្រុមអ្នកបង្កើតគោលនយោបាយមួយចំនួនបានបង្កើនការបារម្ភកាន់តែខ្លាំងដែលភាគច្រើនជំទាស់នឹងការកាត់បន្ថយអត្រាការប្រាក់ដោយលើកឡើងថា ស្ថានភាពបច្ចុប្បន្នរបស់សេដ្ឋកិច្ចមិនបង្ហាញភាពត្រឹមត្រូវដល់ពួកគេនោះទេ៕ LA
