.jpg)
បុគ្គលិកកំពុងអង្គុយធ្វើការនៅក្នុងបន្ទប់ជួញដូរភាគហ៊ុនរបស់ផ្សារហ៊ុនកម្ពុជា។ GTI ជាក្រុមហ៊ុនឯកជនមួយដែលចុះបញ្ជីក្នុងផ្សារហ៊ុនកម្ពុជា។ ហុង មិនា
ភ្នំពេញៈ ក្រុមហ៊ុនរោងចក្រកាត់ដេរសម្លៀកបំពាក់របស់តៃវ៉ាន់ តែមួយគត់ ដែលចុះបញ្ជីក្នុងផ្សារហ៊ុនកម្ពុជា (CSX) បានបង្ហាញពីការធ្លាក់ចុះប្រាក់ចំណូល ២ ភាគរយនៅឆ្នាំ ២០១៧ ធៀបនឹងឆ្នាំ ២០១៦ ខណៈប្រាក់ចំណេញធ្លាក់ចុះជិត ៩០ ភាគរយ។ នេះបើយោងតាមរបាយការណ៍ហិរញ្ញវត្ថុ ដែលបានចេញផ្សាយនៅលើផ្សារហ៊ុនកម្ពុជានៅថ្ងៃនេះ។
របាយការណ៍បង្ហាញថា សម្រាប់រយៈពេល ១២ ខែ គិតត្រឹមថ្ងៃទី ៣១ ខែធ្នូ ឆ្នាំ ២០១៧ ក្រុមហ៊ុន ហ្រ្គេន ធ្វីន ទទួលបានចំណូលសរុបជាង ៨១ លានដុល្លារ ធ្លាក់ចុះ ២ ភាគរយធៀបនឹងឆ្នាំ ២០១៦។
ការធ្លាក់ចុះប្រាក់ចំណូលនេះ បានធ្វើឲ្យប្រាក់ចំណេញសុទ្ធក្រោយបង់ពន្ធរបស់ក្រុមហ៊ុនបានធ្លាក់ចុះ ៨៧,៤៩ ភាគរយដោយទទួលបានតែជាង ៦៦ ម៉ឺនប៉ុណ្ណោះ។
ក្នុងត្រីមាសទី ៤ ឆ្នាំ២០១៧ ក្រុមហ៊ុន ហ្រ្គេន ធ្វីន ទទួលបានចំណូលសរុបជាង ១៧ លានដុល្លារធ្លាក់ចុះ ៩,៥៤ ភាគរយធៀបនឹងរយៈពេលដូចគ្នាឆ្នាំ ២០១៦។
គិតត្រឹមថ្ងៃទី ៣១ ខែ ធ្នូ ឆ្នាំ ២០១៧ ទ្រព្យសកម្មសរុបរបស់ ហ្រ្គេន ធ្វីន មានចំនួនជាង៨៣លានដុល្លារ និងមូលធនសរុប មានចំនួនជាង ៦៨ លានដុល្លារ៕
