ភ្នំពេញៈ បន្ទាប់​ពី​បញ្ចប់​ការ​សិក្សា​នៅ ឆ្នាំ​២០០៣ លោក ទូច រដ្ឋា បាន​ចូល​បម្រើ​ការ​នៅ​ក្នុង​ក្រុមហ៊ុន​ស្រាវជ្រាវ​អំពី​សេដ្ឋកិច្ច​មួយ​នៅ ទីក្រុង​ភ្នំពេញ ដែល​ទទួល​ខុស​ត្រូវ​ស្នូល​ខាង​ផ្នែក​គ្រប់​គ្រង​បច្ចេកទេស​ព័ត៌មានវិទ្យា។ ប៉ុន្តែ​ស្ថានភាព​ការងារ​របស់​លោក​បាន​ប្រែ​ប្រួល​យ៉ាង​ខ្លាំង​ចាប់​ពី ឆ្នាំ​២០០៧ មក​បន្ទាប់​ពី​លោក​បាន​សម្រេច​ចិត្ត​ងាក​មក​ចាប់​យក​ឱកាស​ពាណិជ្ជកម្ម​ដែល​មាន​សក្តានុពល​មួយ​តាម​រយៈ​ការ​ដំណើរការ​សេវា​ទទួល​ធ្វើ​ម្ហូប​ក្នុង​ពិធី​មង្គលការ និង​ពិធី​ជប់​លៀង​ផ្សេងៗ។