ភ្នំពេញៈ មន្រ្តី​អាកាស​ចរណ៍​ស៊ីវិល​វៀតណាម (CAAV) នឹង​ជួប​ជាមួយ​មន្ត្រី​អាកាស​ចរណ៍​ស៊ីវិល​កម្ពុជា (CAC) នៅ ខែ​សីហា ដើម្បី​ពិភាក្សា​ពី​លទ្ធភាព​ផ្លូវ​អាកាស​ត្រង់​ថ្មី​មួយ​ចេញ​ពី ទីក្រុង​ហាណូយ ឆ្ពោះ​ទៅ​កាន់ ទីក្រុង​ហូជីមិញ ដោយ​ហោះ​កាត់ ប្រទេស​កម្ពុជា និង ឡាវ ដើម្បី​អាច​ចៀស​ផុត​ពី​ការ​ខ្ជះ​ខ្ជាយ​ប្រាក់​ប្រមាណ ៣០០ លាន​ដុល្លារ​ក្នុង​មួយ​ឆ្នាំ​ពី​ការ​ហោះ​ហើរ​តាម​ផ្លូវ​ដែល​មាន​បច្ចុប្បន្ន។ នេះ​បើ​តាម​ការ​ចុះ​ផ្សាយ​របស់​សារ​ព័ត៌មាន វៀតណាម បាន​រាយ​ការណ៍​កាល​ពី​ម្សិល​មិញ។