.jpg)
ស្ត្រីម្នាក់កំពុងរៀបចំ ប្រាក់រៀល នៅក្នុងហាងផ្លាស់ប្តូរប្រាក់មួយកន្លែងនៅរាជធានីភ្នំពេញ។ ផា លីណា
ភ្នំពេញៈ ធនាគារជាតិនៃកម្ពុជា (NBC) បានប្រកាសកាលពីថ្ងៃអង្គារថា ខ្លួននឹងបន្តពង្រឹងទំនុកចិត្តរបស់សាធារណជនលើការប្រើប្រាស់ប្រាក់រៀល តាមរយៈការធ្វើឲ្យមានស្ថិរភាពនូវអត្រាប្តូរប្រាក់ និងបង្កើនការយល់ដឹងរបស់ប្រជាពលរដ្ឋ ពីអត្ថប្រយោជន៍នៃការប្រើប្រាស់រូបិយប័ណ្ណក្នុងស្រុកនៅក្នុងសកម្មភាពសេដ្ឋកិច្ច។
យោងតាមសេចក្ដីប្រកាសព័ត៌មានកាលពីម្សិលមិញ NBC បានសម្រេចចិត្តបន្តធ្វើអន្តរាគមន៍លើអត្រាប្តូរប្រាក់ដើម្បីធ្វើឲ្យមានស្ថិរភាពតម្លៃសម្រាប់ទំនុកចិត្តរបស់សាធារណជន បន្តលើកកម្ពស់ឧបករណ៍ហិរញ្ញវត្ថុថ្មី ដូចជា LPCO ដើម្បីជំរុញការផ្ដល់កម្ចីអន្តរធនាគារ និងការលើកកម្ពស់ការយល់ដឹងអំពីអត្ថប្រយោជន៍នៃការប្រើប្រាស់ប្រាក់រៀល។
ខណៈកម្ពុជាគឺជាសេដ្ឋកិច្ចពឹងផ្អែកខ្លាំងលើប្រាក់ដុល្លារ NBC មានជម្រើសគោលនយោបាយកម្រិតមួយ លើគោលនយោបាយរូបិយវត្ថុរបស់ខ្លួន។ រហូតមកដល់ពេលនេះ ការប្រើប្រាស់ប្រាក់រៀល ដើម្បីទិញប្រាក់ដុល្លារអាមេរិកធ្វើឲ្យមានស្ថិរភាពអត្រាប្តូរប្រាក់ ជាយុទ្ធសាស្ដ្រដ៏សំខាន់មួយសម្រាប់ធនាគារកណ្ដាល។
កាលពីឆ្នាំ ២០១៧ NBC បានចាក់បញ្ចូលប្រាក់រៀល ដែលមានតម្លៃ ៩១៥ លានដុល្លារទៅក្នុងសេដ្ឋកិច្ច ក្នុងការទិញប្រាក់ដុល្លារអាមេរិក ដើម្បីធ្វើឲ្យមានស្ថិរភាពអត្រាប្តូរប្រាក់ ខណៈតម្រូវការប្រាក់រៀលកាន់តែខ្ពស់។
របាយការណ៍របស់ NBC ឆ្នាំ ២០១៧ បង្ហាញថា ធនាគារនេះបានទិញប្រាក់ដុល្លារ ១២៥ ដងកាលពីឆ្នាំ ២០១៧ នៅក្នុងអត្រាប្តូរប្រាក់ជាមធ្យម ៤ ០៥០ រៀលក្នុង ១ ដុល្លារ៕LA
