កាលពីថ្ងៃចន្ទ ទី ៥ មេសា កងនាវាចរណ៍ចិនបាននិយាយថា ក្រុមនាវាផ្ទុកយន្តហោះចិនកំពុងធ្វើសមយុទ្ធនៅជិតកោះតៃវ៉ាន់ហើយសមយុទ្ធបែបនេះ នឹងធ្វើឡើងជានិច្ចកាល។ គោលបំណងក្នុងការធ្វើសមយុទ្ធនេះ គឺដើម្បីបង្កើនសមត្ថភាពរបស់នាវាចិនក្នុងការការពារអធិបតេយ្យភាពជាតិសុវត្ថិភាព និងផលប្រយោជន៍អភិវឌ្ឍន៍។ នេះបើយោងតាមការរាយការណ៍របស់សារព័ត៌មាន Reuters។
ក្រសួងការពារជាតិជប៉ុនបាននិយាយនៅថ្ងៃទី ៤ មេសាថា នាវា Liaoning អមដោយនាវាការពារចំនួន ៥ បានឆ្លងកាត់ច្រកមីយ៉ាកូ (Miyako) ទៅកាន់មហាសមុទ្រប៉ាស៊ីហ្វិក។
កងទ័ពជើងទឹកប្រទេសចិន បាននិយាយថា សមយុទ្ធស្រដៀងគ្នានេះនឹងត្រូវធ្វើឡើងជាប្រចាំនាពេលអនាគត។ ក្រសួងការពារជាតិតៃវ៉ាន់ បាននិយាយថា ខ្លួនបានយល់យ៉ាងច្បាស់ពីស្ថានការណ៍នៅលើអាកាស និងនៅសមុទ្រជុំវិញកោះតៃវ៉ាន់៕