.jpg)
ក្រុមបាតុករ ប៉ះទង្គិចជាមួយប៉ូលិសបង្ក្រាបកុបកម្ម ខណៈពួកគេតវ៉ាប្រឆាំងរដ្ឋាភិបាល។ AFP
ក្រុងសាន់ត្យាហ្គោ៖ ក្រុមអ្នកតវ៉ាបានប៉ះទង្គិចជាមួយប៉ូលិស ខណៈមនុស្សរាប់ពាន់នាក់បានចេញតាមដងផ្លូវនៃរដ្ឋធានីស៊ីលីកាលពីថ្ងៃសុក្រ ជុំវិញការធ្វើបាតុកម្មមួយ ដែលមានរយៈពេល ៥០ ថ្ងៃ ចាប់តាំងពីការផ្ទុះភាពចលាចលស៊ីលីយ៉ាងអាក្រក់បំផុតរបស់ប្រទេសនេះ។
ក្រុមបាតុករហិង្សាស៊ីលី បានកំពុងតវ៉ាពីភាពមិនចុះសម្រុងនឹងគ្នា រវាងសង្គម និងសេដ្ឋកិច្ចអស់ជាច្រើនសប្តាហ៍ និងប្រឆាំងឥស្សរជននយោបាយចាក់ឫសយ៉ាងជ្រៅ ដែលបានកើតឡើងចេញពីក្រុមគ្រួសារអ្នកមានទ្រព្យសម្បត្តិមួយចំនួនតូចនៅក្នុងប្រទេសនេះ និងនៅក្នុងចំណោមបញ្ហាផ្សេងទៀត។
យោងតាមអង្គការរបស់ប្រទេស អាមេរិក បានឲ្យដឹងថា វិបត្តិនោះ គឺជាវិបត្តិដ៏អាក្រក់បំផុតនៅក្នុង ៣ ទសវត្សរ៍ របស់ប្រជាធិបតេយ្យស៊ីលី ហើយបានបង្កឲ្យមនុស្ស ២៦ នាក់ស្លាប់ និងជាង ១២ ០០០ នាក់ទៀតរងរបួស ដោយមានមនុស្ស ២០ ៦០០ នាក់ផ្សេងទៀត ត្រូវបានឃុំខ្លួន។
ខណៈរៀងរាល់ថ្ងៃសុក្រចាប់តាំងពីការតវ៉ាបានចាប់ផ្តើមកាលពីថ្ងៃទី ១៨ ខែតុលា មនុស្សរាប់ពាន់នាក់ បានប្រមូលផ្តុំគ្នានៅឯទីលានផ្លាហ្សាអ៊ីតាលៀននៅកណ្តាលទីក្រុងសាន់ត្យាហ្គោ ដើម្បីគ្រវីទង់ជាតិ ច្រៀងចម្រៀង និងរាំលេងនៅក្នុងការបង្ហាញការប្រឆាំងរដ្ឋាភិបាលអភិរក្សនិយម របស់ប្រធានាធិបតីលោក ស៊ីបាស្ទៀន ភីណឺរ៉ា។
ក្រុមអ្នកតវ៉ាបានកាន់ទង់ជាតិស៊ីលីដ៏ធំមួយ ដោយបានឃ្លាំមើលយ៉ាងយកចិត្តទុកដាក់ ហើយក៏ជានិមិត្តរូបមួយរបស់ប្រជាជន ៣០០ នាក់ ដែលបានឈឺចាប់ដោយសារការរងរបួសនៅក្នុងការប្រឈមមុខដាក់គ្នា ជាមួយប៉ូលិសកាលពីពេលកន្លងទៅ។
ក្រុមបាតុករមួយចំនួនដោយដៃរបស់ពួកគេមានកាន់ដុំថ្ម និងគ្រាប់បែកសាំង បានប៉ះទង្គិចជាមួយកងកម្លាំងប៉ូលិស ដែលបានបំបែកពួកគេ ជាមួយឧស្ម័នបង្ហូរទឹកភ្នែក និងកាណុងបាញ់ទឹក។
ក្រុមមន្ត្រីប៉ូលិស បានដាក់របាំងបិទផ្លូវនានានៅជុំវិញទីលាននោះនៅពេលរសៀល។
ចលាចលនៅប្រទេស ស៊ីលី បានចាប់ផ្តើមជាមួយការធ្វើបាតុកម្មទ្រង់ទ្រាយធំប្រឆាំងការដំឡើងថ្លៃសំបុត្ររថភ្លើងក្រោមដីនៅក្នុងទីក្រុងសាន់ត្យាហ្គោ ដែលបានក្លាយទៅជាការតវ៉ាហិង្សាយ៉ាងធំនៅទូទាំងប្រទេស ស៊ីលី៕ AFP/SK
