កាលពីថ្ងៃសៅរ៍ ទី ៣ មេសា ប៉ូលិសទីក្រុងឡុងដ៍ បានឃុំខ្លួនអ្នកតវ៉ាដែលធ្វើការតវ៉ាប្រឆាំងនឹងច្បាប់ ដែលបានស្នើឡើងដែលនឹងអាចដាក់កម្រិតលើការតវ៉ាសាធារណៈ។ ប៉ូលិសបាននិយាយថា ក្រុមអ្នកតវ៉ា មិនរក្សាគម្លាតសង្គម ហើយសកម្មភាពរបស់ពួកគេអាចធ្វើឱ្យមានការឆ្លងវីរុសកូវីដ ១៩។
ក្រុមអ្នកដើរក្បួនបានបដិសេធគំនិតផ្តួចផ្តើមរបស់រដ្ឋាភិបាលអង់គ្លេសដែលផ្តល់អំណាចដល់ប៉ូលិសបន្ថែមទៀត ដើម្បីទប់ស្កាត់ការតវ៉ា។ ច្បាប់ថ្មីនេះ អាចផ្តល់សិទ្ធិឱ្យប៉ូលិសផ្តន្ទាទោស និងដាក់កម្រិតដល់ក្រុមបាតុករ ឬបិទការតវ៉ាដែលមានការរំខានបាន។
ក្រុមអ្នករិះគន់និយាយថា ច្បាប់នេះប្រើពាក្យមិនច្បាស់ដែលមានគោលបំណង ដើម្បីផ្តល់អំណាចដល់ប៉ូលិសក្នុងការដាក់ការរឹតត្បិតទៅលើក្រុមអ្នកតវ៉ា៕