.jpg)
លោកនាយករដ្ឋមន្ត្រីថៃ ឧត្តមសេនីយ៍ ប្រាយុធ ចាន-អូចា។ រូបBKP
ក្រុងបាងកកៈ អគ្គលេខាធិការរៀបចំការបោះឆ្នោត លោក Jarungvith Phumma បានថ្លែងថា គណៈកម្មាការរៀបចំការបោះឆ្នោត (EC) បានអញ្ជើញសមភាគីរបស់ខ្លួននៅអាស៊ាន និងប្រទេស ផ្សេងទៀតនៅក្រៅប្លុកនៅក្នុងនោះមានសហភាពអឺរ៉ុបផងដែរ ដើម្បីឲ្យចូលរួមឃ្លាំមើល ការបោះឆ្នោតនៅថ្ងៃទី ២៤ ខែ មីនា ខាងមុខនេះ។
លោកបានថ្លែងថា លិខិតអញ្ជើញត្រូវបានផ្ញើទៅកាន់កន្លែងអ្នកសង្កេតការណ៍បោះឆ្នោតបរទេស នៅអាស៊ី និងម៉ិកស៊ិក ម៉ាល់ឌីវ និងកូរ៉េខាងត្បូង ដោយបន្ថែមថា មានប្រទេសជាច្រើនទៀត បានព្រមទទួលយករួចហើយ។ លោកមិនបានថ្លែងថា តើមានប្រទេសមួយណាខ្លះនោះទេ។
លោក Jarungvith បានថ្លែងថា គណៈកម្មការរៀបចំការបោះឆ្នោត នឹងពិចារណាអញ្ជើញប្រទេសជាសមាជិករបស់ខ្លួនទាំងអស់នោះ។
អគ្គលេខាធិការគណៈកម្មការរៀបចំការបោះឆ្នោត បានពន្យល់ថា គណៈកម្មការ បានរៀបចំឲ្យមានការបោះឆ្នោតនៅថ្ងៃទី ២៤ ខែ មីនា ខាងមុខនេះ។
ប្រអប់ឆ្នោត និងមណ្ឌលបោះឆ្នោត ត្រូវបានរៀបចំផ្តល់ជូនដល់ក្រុមអ្នកបោះឆ្នោត ដែលបានចុះឈ្មោះ ដើម្បីគូសសន្លឹកឆ្នោតរបស់ពួកគេនៅពេលខាងមុខឆាប់ៗនេះ។ អ្នកគ្រប់គ្រងការបោះឆ្នោតត្រូវបានតែងតាំងឲ្យធ្វើជាអ្នករៀបចំនៅតាមមណ្ឌលបោះឆ្នោតទាំងនោះ។
លោក បានថ្លែងថា សមាជិក គណៈកម្មការរៀបចំការបោះឆ្នោត នឹងចុះអង្កេតនៅតាម មណ្ឌលបោះឆ្នោត៕ BKP/SK
