ក្រុងញូវយ៉កៈ កាសែត the Wall Street Journal បានរាយការណ៍កាលពីថ្ងៃចន្ទថា លោក គីម ជុងណាម ជាបងប្រុសម្តាយទីទៃរបស់មេដឹកនាំកូរ៉េខាងជើងលោក គីម ជុងអ៊ុន ដែលត្រូវបានគេធ្វើឃាតនៅក្នុងប្រទេស ម៉ាឡេស៊ី កាលពីឆ្នាំ ២០១៧ គឺជាអ្នកស៊ើបការណ៍សម្ងាត់របស់ CIA។
ចំពោះរបាយការណ៍នេះ កាសែតនោះបានលើកឡើងពី «បុគ្គល» មិនស្គាល់ឈ្មោះ ដែលបានដឹងអំពីបញ្ហានោះ និងបាននិយាយថា ព័ត៌មានលម្អិតជាច្រើននៃការទំនាក់ទំនងរបស់លោក គីម ជុងណាម ជាមួយទីភ្នាក់ងារ CIA នៅមិនទាន់ច្បាស់នៅឡើយ។
យោងតាមប្រភពរបស់កាសែតនោះបានឲ្យដឹងថា លោក គីម ជុងណាម បានធ្វើដំណើរទៅកាន់ប្រទេស ម៉ាឡេស៊ី កាលពីខែកុម្ភៈឆ្នាំ ២០១៧ ដើម្បីជួបទំនាក់ទំនងជាមួយ CIA។
ស្ត្រី ២ នាក់ ត្រូវបានចោទប្រកាន់ពីបទបំពុលលោក គីម ជុងណាម ដោយបាញ់សារធាតុបំផ្លាញប្រព័ន្ធប្រសាទ VX ទៅលើមុខរបស់លោកនៅព្រលាន យន្តហោះក្រុង គូឡាឡាំពួ កាលពីខែ កុម្ភៈ ឆ្នាំ ២០១៩។
ម៉ាឡេស៊ី បានដោះលែងនាង Siti Aisyah ជាជនជាតិឥណ្ឌូនេស៊ីឲ្យមានសេរីភាព នៅខែមីនា និងនាង Doan Thi Huon ជាជនជាតិវៀតណាម នៅខែឧសភា៕ Guardian/SK