.jpg)
កាលពីថ្ងៃពុធ ទី ២៤ កុម្ភៈ ប្រទេសវ៉េណេស៊ុយអេឡា បានបណ្តេញប្រធានគណៈប្រតិភូសហភាពអឺរ៉ុបប្រចាំទីក្រុងការ៉ាកាស (Caracas)។ រដ្ឋមន្ត្រីក្រសួងការបរទេសវ៉េណេស៊ុយអេឡាទុកពេល ៧២ ម៉ោងឱ្យលោកក្នុងការត្រឡប់ទៅប្រទេសវិញ។
ការបណ្តេញប្រធានគណៈប្រតិភូសហភាពលោកស្រី Isabel Brilhante Pedrosa គឺធ្វើឡើងបន្ទាប់ពីរដ្ឋមន្ត្រីការបរទេសសហភាពអឺរ៉ុបបានដាក់ទណ្ឌកម្មលើមន្ត្រីវ៉េណេស៊ុយអេឡាចំនួន ១៩ រូប ជុំវិញការរំលោភសិទ្ធិមនុស្ស និងធ្វើប៉ះពាល់ដល់លទ្ធិប្រជាធិបតេយ្យ។
សហភាពអឺរ៉ុបបានទាមទារឱ្យប្រទេសវ៉េណេស៊ុយអេឡា ពិចារណាឡើងវិញនូវសេចក្តីសម្រេចនេះ៕
