.jpg)
ក្រុមអ្នកជួយសង្គ្រោះស្ម័គ្រចិត្ត សែងបាតុករម្នាក់បន្ទាប់ពីប៉ះទង្គិចជាច្រើនលើក នៅក្នុងការតវ៉ាប្រឆាំងប្រធានាធិបតីស៊ីលី នៅក្នុងទីក្រុងសាន់ត្យាហ្គោ។ AFP
ក្រុងសាន់ត្យាហ្គោ៖ ប្រធានាធិបតីស៊ីលីលោក ស៊ីបាស្ទៀន ភីណឺរ៉ា កាលពីថ្ងៃអាទិត្យបានថ្លែងថា រដ្ឋាភិបាលរបស់លោកបានត្រៀមខ្លួនរួចជាស្រេច ដើម្បីរក្សា «ច្បាប់ និងសណ្តាប់ធ្នាប់» នៅក្នុងផែនការតវ៉ាសម្រាប់ខែមីនានៅពេលខាងមុខនេះ។
លោក ស៊ីបាស្ទៀន ភីណឺរ៉ា បានថ្លែងតាមរយៈគេហទំព័រធ្វីធើរថា៖ «មានមនុស្សជាច្រើនកំពុងរំពឹងថា នឹងបង្កអំពើហិង្សានៅខែមីនា ខាងមុខនេះ រដ្ឋាភិបាលបានរៀបចំបង្កើតច្បាប់ការពារសន្តិសុខ និងសណ្តាប់ធ្នាប់ ហើយបានជំរុញឲ្យមានកិច្ចព្រមព្រៀងមួយ សម្រាប់ខែមីនាខាងមុខនេះផងដែរ»។
ដោយបាននិយាយសំដៅទៅលើការទាមទារកាន់តែខ្លាំងឡើង ជុំវិញការកែលម្អនានានៅក្នុងការិយាល័យរដ្ឋាភិបាល លោក ស៊ីបាស្ទៀន ភីណឺរ៉ា បានថ្លែងថា៖ «ដើម្បីបង្កើនប្រាក់សោធននិវត្តន៍បង្កើតការធានាឲ្យមានប្រាក់ម៉ោងធ្វើការ និងធ្វើឲ្យសេវាថែទាំសុខភាពបានល្អប្រសើរឡើងវិញ កិច្ចព្រមព្រៀងខ្លះមិនមែនជាអំពើហិង្សានោះទេ នេះគឺជាមធ្យោបាយរបស់រដ្ឋាភិបាលដែលត្រូវដោះស្រាយបញ្ហានៅក្នុងប្រទេសនេះ»។
ក្រុមអង្គការ និងចលនាផ្សេងៗទៀត បានអំពាវនាវឲ្យធ្វើការតវ៉ានៅក្នុងខែមីនា ដើម្បីបន្តឲ្យមានកម្លាំងចលករនៃការធ្វើបាតុកម្មប្រឆាំងរដ្ឋាភិបាលនៅទូទាំងប្រទេសបានរៀបចំធ្វើឡើងកាលពីខែតុលា ដោយសារការដំឡើងថ្លៃរថភ្លើងក្រោមដីខ្ពស់នៅក្នុងក្រុងសាន់ត្យាហ្គោ៕ Xinhua/SK
