.jpg)
ក្រុមនិយោជិតនៃអ្នកបើករថភ្លើងJR រើយកមែកឈើដែលបាក់ធ្លាក់ចេញពីស្ថានីយYotsuyaនៅក្នុងក្រុងតូក្យូនៅថ្ងៃទី ០១ ខែតុលា។ AFP
ក្រុងតូក្យូៈ មន្ត្រីបាននិយាយនៅថ្ងៃចន្ទនេះថា មនុស្សពីរនាក់ បានស្លាប់ដោយព្យុះទីហ្វុងមានកម្លាំង ដែលបានវាយប្រហារប្រទេសជប៉ុននៅចុងសប្តាហ៍។
នៅព្រឹកថ្ងៃចន្ទនេះ ព្យុះទីហ្វុងត្រាមី (Trami) បានបោសសម្អាតប្រទេសជប៉ុន ប៉ុន្តែខ្យល់បក់យ៉ាងខ្លាំង និងបង្កឲ្យភ្លៀងធ្លាក់ច្រើននាំឲ្យមានការខូចខាតនិងបង្កឲ្យផ្លូវថ្នល់នានានិងខ្សែរថភ្លើង កកស្ទះ។
ក្រុមមន្ត្រីក្នុងតំបន់ និងប៉ូលិស បាននិយាយថា មនុស្សពីរនាក់ បានស្លាប់កាលពីថ្ងៃអាទិត្យ នៅពេលព្យុះបណ្តាលឲ្យបាក់ដីនៅប្រទេសជប៉ុនភាគលិច។
ទូរទស្សន៍ NHK បានឲ្យដឹងថា មនុស្សពីរនាក់ទៀត ត្រូវបានគេរាយការណ៍ថាបានបាត់ខ្លួន ហើយមនុស្សជាង១២០ នាក់ បានរងរបួសនៅក្នុងព្យុះដែលមានកម្លាំងខ្លាំងនោះ៕ AFP
