.jpg)
លោកនាយករដ្ឋមន្ត្រីលីប៊ី ហ្វាយេ អាល់-សារ៉ា (ស្តាំ)ជួបជាមួយឯកអគ្គរដ្ឋទូតEU។ AFP
ក្រុងទ្រីបូលី៖ លោក ហ្វាធី បាសាហ្គា រដ្ឋមន្ត្រីមហាផ្ទៃនៃរដ្ឋាភិបាលលីប៊ីគាំទ្រដោយអង្គការសហប្រជាជាតិកាលពីថ្ងៃអាទិត្យ បានចេញបញ្ជាមួយឲ្យចាប់ផ្តើមស៊ើបអង្កេតបន្ទាន់ទៅលើករណីធ្វើបាបអ្នកបើកយន្តហោះចម្បាំងដែលត្រូវគេចាប់ខ្លួនមានមូលដ្ឋាននៅភាគខាងកើត។
កាលពីថ្ងៃសៅរ៍ កងកម្លាំងរបស់រដ្ឋាភិបាលដែលគាំទ្រដោយអង្គការសហប្រជាជាជាតិ បានប្រកាសអំពីការបាញ់ទម្លាក់យន្តហោះចម្បាំង ១ គ្រឿង របស់កងទ័ពមានមូលដ្ឋាននៅភាគខាងកើតនៅក្នុងក្រុងហ្សាជីវ៉ាភាគខាងលិច ដែលមានចម្ងាយប្រហែល ៤៥ គីឡូម៉ែត្រខាងលិចក្រុងទ្រីប៉ូលី និងការចាប់ខ្លួនអ្នកបើកយន្តហោះនោះ។
រដ្ឋមន្ត្រីរូបនេះ បានថ្លែងប្រាប់ក្រុមប្រឹក្សាសន្តិសុខនៅក្រុងហ្សាជីវ៉ាថា៖ «ផ្អែកលើរបាយការណ៍ជាច្រើនរបស់ប្រព័ន្ធផ្សព្វផ្សាយសង្គមអំពីការចាប់ខ្លួនពីឡុតរបស់លោក ហាហ្វតារ (មេបញ្ជាការកងទ័ពមានមូលដ្ឋាននៅភាគខាងកើត) លោកត្រូវបានគេបញ្ជាឲ្យបើកការស៊ើបអង្កេតជាបន្ទាន់ទៅលើការរំលោភសិទ្ធិមនុស្ស និងការប្រើប្រាស់អំណាចរបស់ក្រសួងមហាផ្ទៃមិនបានត្រឹមត្រូវ។
លោករដ្ឋមន្ត្រីក៏បានបញ្ជាឲ្យដាក់ជំនួសតំណែងរបស់ប្រមុខនៃកងកម្លាំងសន្តិសុខ ដែលបានចាប់ខ្លួនអ្នកបើកយន្តហោះនោះ។
ប្រព័ន្ធផ្សព្វផ្សាយសង្គមលីប៊ីបានបង្ហោះរូបថតជាច្រើនរបស់អ្នកបើកយន្តហោះដែលគេចាប់ខ្លួននោះ ត្រូវបានគេវាយធ្វើបាប និងដោះយកឯកសណ្ឋានយោធាទាំងអស់ចេញពីខ្លួនរបស់គាត់៕ Xinhua/PSA
