កាលពីថ្ងៃពុធ ទី ៣១ មីនា ទីប្រឹក្សាសន្តិសុខជាតិសហរដ្ឋអាមេរិក និងហ្វីលីពីនបានពិភាក្សាអំពីការព្រួយបារម្ភរបស់ពួកគេចំពោះសកម្មភាពរបស់ចិននៅសមុទ្រចិនខាងត្បូង។
ប្រទេសហ្វីលីពីន បានពណ៌នាវត្តមានរបស់នាវាចិននៅខាងក្នុងតំបន់សេដ្ឋកិច្ចរបស់ខ្លួននៅឯ Whitsun Reef នៅសមុទ្រចិនខាងត្បូងថា ជាការ «កកស្ទះ និងគំរាមកំហែង»។
ទីប្រឹក្សាសន្តិសុខជាតិនៃសេតវិមានលោក Jake Sullivan និងទីប្រឹក្សាសន្តិសុខជាតិហ្វីលីពីន Hermogenes Esperon បានឯកភាពថា សហរដ្ឋអាមេរិក និងហ្វីលីពីននឹងបន្តសម្របសម្រួលគ្នាយ៉ាងជិតស្និទ្ធក្នុងការឆ្លើយតបទៅនឹងបញ្ហាប្រឈមនានានៅសមុទ្រចិនខាងត្បូង។
លោក Sullivan បានគូសបញ្ជាក់ថា សហរដ្ឋអាមេរិកឈរជាមួយហ្វីលីពីនក្នុងការរក្សាសណ្តាប់ធ្នាប់ដែនសមុទ្រអន្តរជាតិផ្អែកលើច្បាប់ ហើយបានបញ្ជាក់ជាថ្មីនូវលទ្ធភាពនៃសន្ធិសញ្ញាការពារជាតិរវាងសហរដ្ឋអាមេរិក និងហ្វីលីពីននៅសមុទ្រចិនខាងត្បូង។ នេះបើតាមការរាយការណ៍របស់សារព័ត៌មាន Reuters៕