.jpg)
រដ្ឋមន្ត្រីការបរទេសជប៉ុន ដាក់ផ្កាទៅមឈូសសាកសពគ្រូពេទ្យនៅទៅដលើព្រលានយន្តហោះណារីតានៃខេត្តជីបាកាលពីថ្ងៃទី ៨ ខែធ្នូ។ AFP
ក្រុងណារីតាៈ សាកសពរបស់លោក Tetsu Nakamura ជាវេជ្ជបណ្ឌិតគួរឲ្យស្រលាញ់ម្នាក់ដែលត្រូវបានគេសម្លាប់នៅអាហ្វហ្គានីស្ថាន ក្រោយពីលោកបានគាំទ្រអស់ពីចិត្តចំពោះប្រទេសមួយនេះអស់ជាច្រើនទសវត្សរ៍មកនោះ សាកសពរបស់លោកត្រូវបានគេបញ្ជូនវិលត្រឡប់ ទៅកាន់ប្រទេស ជប៉ុន វិញហើយកាលពីថ្ងៃអាទិត្យ។
យន្តហោះមួយគ្រឿង ដែលបានដឹកសាកសពរបស់លោក បានចុះចតនៅឯព្រលានយន្តហោះណារីតា នៅជិតទីក្រុងតូក្យូជាមួយប្រពន្ធ និងកូនស្រីច្បងរបស់លោក ដែលបានទៅលេងនៅទីក្រុងកាប៊ុល ក្រោយពីអំពើឃាតកម្មកាលពីថ្ងៃពុធកន្លងទៅ។
អនុរដ្ឋមន្ត្រីការបរទេសលោក Keisuke Suzuki និងក្រុមអ្នកចូលរួមផ្សេងទៀត នៅក្នុងនោះមានប្រពន្ធរបស់លោក បានធ្វើការស្មឹងស្មាតនៅឯព្រលានយន្តហោះ ក្រោយពីដាក់កម្រងផ្កានៅលើក្តាមឈូសសព ដែលបានរុំដោយផ្ទាំងក្រណាត់សនោះ។
ប្រព័ន្ធផ្សព្វផ្សាយប្រចាំតំបន់បាននិយាយថា សាកសពរបស់លោកនឹងផ្ទេរទៅកាន់ទីក្រុង Fukuoka ប្រទេស ជប៉ុន ភាគខាងលិច ដែលជាស្រុកកំណើតរបស់លោកនៅថ្ងៃចន្ទនេះ៕ SK
