អ្នកស្រាវជ្រាវសិង្ហបុរីបានឱ្យដឹងកាលពីថ្ងៃអាទិត្យ ថាថ្នាំបាញ់បំពង់ក ឬស្ប្រៃបាញ់នេះ គឺជាថ្នាំប្រើសម្រាប់ព្យាបាល ជំងឺគ្រុនចាញ់ និងជំងឺរលាកសន្លាក់ ត្រូវបានគេរកឃើញថា មានប្រសិទ្ធភាពខ្ពស់ក្នុងការកាត់បន្ថយការចម្លងជំងឺកូវីដ១៩។
ការសិក្សានេះត្រូវបានធ្វើឡើង បន្ទាប់ពីមានការសាកល្បងគ្លីនិកទ្រង់ទ្រាយធំមួយ ធ្វើឡើងកាលពីខែឧសភាកន្លងទៅលើកម្មករចំណាកស្រុកជាង ៣ ០០០ នាក់ ដែលកំពុងស្នាក់នៅក្នុងអន្តេវាសិកដ្ឋាន Tuas South ។
ក្រោយពេលសិក្សារយៈពេល ៦ សប្តាហ៍ មនុស្សជាងពាក់កណ្ដាលបានឆ្លងជំងឺកូវីដ១៩។ ហើយក្នុងចំណោមមនុស្សជាងពាក់កណ្ដាលនោះ អ្នកដែលបានប្រើថ្នាំបាញ់បំពង់ក povidone-iodine និងថ្នាំ hydroxychloroquine តាមវេជ្ជបញ្ជាគ្រូពេទ្យមានតែ ៤៦% ប៉ុណ្ណោះដែលឆ្លងកូវីដ។ ការស្រាវជ្រាវរកឃើញថា ថ្នាំទាំង ២ មុខនេះ ក៏អាចជួយកាត់បន្ថយអត្រានៃការឆ្លងវីរុសកូរ៉ូណាបានដែរ៕