ក្រុងតេអេរ៉ង់ៈ ប្រព័ន្ធផ្សព្វផ្សាយ បានឲ្យដឹងកាលពីថ្ងៃចន្ទថា តុលាការអ៊ីរ៉ង់ បានកាត់ទោសប្រហារបុរសម្នាក់ពីបទសម្លាប់ប៉ូលិសបីនាក់ នៅក្នុងខែកុម្ភៈ នៅក្នុងអំឡុងការប៉ះទង្គិចនៅក្នុងតេអេរ៉ង់ រវាងកម្លាំងសន្តិសុខ និងសមាជិកនៃអ៊ិស្លាម Sufi។
លោក Mohammad Reza Salas ដែលកើតនៅក្នុងឆ្នាំ១៩៦៧ ត្រូវបានកាត់ទោសពីបទឃាតកម្ម ក្រោយពីបើករថយន្តក្រុងបំបុកមន្ត្រីប៉ូលិសមួយក្រុម ដោយបានបណ្តាលឲ្យស្លាប់បីនាក់។
សមាជិកពីរនាក់ របស់ក្រុម Basij ជាក្រុមជនសកម្មប្រយុទ្ធអ៊ិស្លាម ដែលមានការកាតព្វកិច្ចរក្សាសណ្តាប់ធ្នាប់ ក៏ត្រូវបានសម្លាប់នៅក្នុងការប៉ះទង្គិចនោះដែរ៕ PSA