ក្រុងបាកដាដៈ រដ្ឋមន្ត្រីការបរទេសលោក ហ្វាដ ហ៊ូស៊ីន បានថ្លែងកាលពីថ្ងៃពុធថា ក្រុងបាកដាដ គឺ «មិនសប្បាយចិត្ត» ជាមួយការគំរាមកំហែង «ដ៏គ្រោះថ្នាក់» មួយ របស់ក្រុងវ៉ាស៊ីនតោនថា នឹងដកកងកម្លាំងនិងក្រុមអ្នកការទូតរបស់ខ្លួន ចេញពីប្រទេសអ៊ីរ៉ាក់។
ប្រភពការទូត និងអ្នកនយោបាយមួយចំនួន បានថ្លែងប្រាប់ AFP ថា រដ្ឋមន្ត្រីការបរទេសអាមេរិក លោក ម៉ៃក៍ ប៉ុមប៉េអូ បានចេញឱសានវាទមួយ នៅសប្តាហ៍ក្រោយថា កងកម្លាំងអាមេរិកទាំងអស់ នឹងចាកចេញពីប្រទេសអ៊ីរ៉ាក់ ប្រសិនបើរដ្ឋាភិបាលប្រទេសនេះ មិនបញ្ឈប់ការវាយប្រហារ កើតមានឡើងជាញឹកញាប់ ប្រឆាំងអាមេរិកទៀតនោះ។
រដ្ឋមន្ត្រីរូបនោះបានថ្លែងថា៖ «ការដកកងកម្លាំងអាមេរិក អាចនឹងឈានទៅរកការដកទ័ពបន្ថែមទៀត» របស់សមាជិកនៃក្រុមចម្រុះដឹកនាំដោយអាមេរិក ដែលកំពុងប្រយុទ្ធយ៉ាងស្វិតស្វាញ ជាមួយក្រុមជីហាដជ្រុលនិយម ដែលអាចនឹងបង្កគ្រោះថ្នាក់ ដោយសារក្រុមរដ្ឋអ៊ិស្លាម បានគំរាមកំហែង មិនគ្រាន់តែនៅក្នុងប្រទេសអ៊ីរ៉ាក់ប៉ុណ្ណោះទេ ថែមទាំងនៅក្នុងតំបន់ទាំងមូលទៀតផង»។
លោក ហ៊ូស៊ីន បានបន្ថែមថា៖ «យើងសង្ឃឹមថា អាមេរិកនឹងគិតសារឡើងវិញ អំពីការសម្រេចចិត្តរបស់ខ្លួន» ដែលបច្ចុប្បន្ន វាគ្រាន់តែជា «ការចាប់ផ្តើម» តែប៉ុណ្ណោះ៕ SK