The Phnom Penh Post Search

Search form




Logo of Phnom Penh Post newspaper Phnom Penh Post - កង្វះ​ខាត​ច្បាប់ និង​ប្រាក់​ចំណូល​ទាប​របស់​ពលរដ្ឋ​កម្ពុជា ជា​ឧបសគ្គ​ចម្បង​ក្នុង​វិស័យ​ធានា​រ៉ាប់រង

កង្វះ​ខាត​ច្បាប់ និង​ប្រាក់​ចំណូល​ទាប​របស់​ពលរដ្ឋ​កម្ពុជា ជា​ឧបសគ្គ​ចម្បង​ក្នុង​វិស័យ​ធានា​រ៉ាប់រង

កង្វះ​ខាត​ច្បាប់ និង​ប្រាក់​ចំណូល​ទាប​របស់​ពលរដ្ឋ​កម្ពុជា ជា​ឧបសគ្គ​ចម្បង​ក្នុង​វិស័យ​ធានា​រ៉ាប់រង

120914_07
លោក យុន ប៉ើទឹម នាយកក្រុមហ៊ុន VDB Loi សហការី

ក្នុងនាម​ជា​ដៃ​គូ និង​នាយក​ក្រុមហ៊ុន VDB Loi ដែល​ជា​ក្រុមហ៊ុន ផ្ដល់​ប្រឹក្សា​ច្បាប់ និង​ពន្ធដារ លោក យុន ប៉ើទឹម បាន​ផ្តល់​សេវា​ច្បាប់​ដល់​អតិថិជន​ជា​ច្រើន ក្នុង​នោះ​រួម​មាន​ក្រុម​ហ៊ុន​ធានា​រ៉ាប់រង​ផង​ដែរ។

តាម​បទ​ពិសោធ​ លោក ប៉ើទឹម​«​ទីផ្សារ​ធានារ៉ាប់​រង​នៅ​កម្ពុជា​ជា​ទីផ្សារ​ថ្មី។ ការ​វិវត្ត​ចុង​ក្រោយ​បំផុត​គឺ​មាន​លក្ខណ​វិជ្ជមាន និង​ជា​ដុំ​កំភួន»។

ប៉ុន្តែ​យោង​តាម​លោក ប៉ើទឹម​បាន​ឲ្យ​ដឹង​ទៀត​ថា ស្ថានការណ៍​សេដ្ឋកិច្ច​របស់​ប្រជាជន​កម្ពុជា​ភាគ​ច្រើន​ពុំ​ផ្តល់​លទ្ធភាព​ ដល់​ពួក​គេ​ក្នុង​ការ​ទិញ​ប័ណ្ណ​ធានា​រ៉ាប់រង​នោះ​ទេ ហើយ ក្រុមហ៊ុន​ធានា​រ៉ាប់រង​ផ្ទាល់​អាច​ប្រឈម​នឹង​ការ​លំបាក​។ លោក ប៉ើទឹម​បាន​បន្ថែម​ថា ​ទុន​វិនិយោគ​សម្រាប់​ក្រុម​ហ៊ុន​ធានារ៉ាប់​រង​គឺ​ខ្ពស់​ណាស់។ ប៉ុន្តែ​រដ្ឋាភិបាល​ចេញ​អាជ្ញា​ប័ណ្ណ​មាន​សុពលភាព​តែ ៣ ឆ្នាំ បន្ទាប់​មក​ត្រូវ​បន្ត​អាជ្ញា​ប័ណ្ណ​នោះ​។

យោង​តាម​បទ​ប្បញ្ញតិ្ត​ ប្រសិន​បើ​រដ្ឋាភិបាល​មិន​បន្ត​អាជ្ញាប័ណ្ណ​ឲ្យ​ នោះ​ក្រុម​ហ៊ុន​ធានារ៉ាប់​រង​ត្រូវ​រំលាយ។ ប៉ុន្តែ​ប្រសិន​បើ​ក្រុមហ៊ុន​មិន​រំលោភ​លើ​បទ​ប្បញ្ញតិ្ត​នោះ​ទេ «ជា​ទូទៅ​ រដ្ឋាភិបាល​នឹង​បន្ត​អាជ្ញាប័ណ្ណ​ឲ្យ​ក្រុមហ៊ុន​ធានារ៉ាប់​រង​នោះ»។

លោក​ថា៖ «តាម​ខ្ញុំ​យល់ តាម​ខ្ញុំ​ដឹង គេ​ជា​ធម្មតា​បន្ត​ឲ្យ»។

លោក ប៉ើទឹម មើល​ឃើញ​ការ​ធានារ៉ាប់​រង​ខ្នាត​តូច​ចូល​មក​ក្នុង​ទីផ្សារ​កម្ពុជា​គឺជា ការ​វិវត្ត​វិជ្ជមាន​មួយ​។ ​បើ​ធៀប​នឹង​ការ​ធានារ៉ាប់​រង​ទូទៅ​និង​ជីវិត ពួក​គេ​ទទួល​បាន​អាជ្ញា​ប័ណ្ណ​សម្រាប់​តែ​១ឆ្នាំ​ប៉ុណ្ណោះ។

ក្រុមហ៊ុន VDB Loi បាន​ចាប់​ផ្តើម​កាល​ពី៦​ខែ​មុន ដោយ​ផ្តល់​សេវា​ប្រឹក្សា​ច្បាប់ និង​ពន្ធដារ​​ ក្នុង​នោះ​មាន​ពន្ធ​ក្រុម​ហ៊ុន និង​យុទ្ធសាស្រ្ត​ពន្ធ ​ក៏​ដូច​ជា​ការ​គោរព​តាម​ច្បាប់​ពន្ធ​ដារ​ប្រចាំ​ខែ​ និង​ប្រចាំ​ឆ្នាំ។ ក្រុមហ៊ុន​មាន​បុគ្គលិក​ជាង៥០នាក់ ​និង​ការិយាល័យ​នៅ​មីយ៉ាន់ម៉ា ឡាវ វៀតណាម សិង្ហបុរី ឥណ្ឌូនេស៊ី និង​កម្ពុជា។

លោក​ថា រដ្ឋាភិបាល​បាន​ចាប់​ផ្តើម​ព្រាង​វិសោធនកម្ម​លើ​ច្បាប់​ធានារ៉ាប់​រង​ បច្ចុប្បន្ន ដោយ​លោក​លើក​ឡើង​ថា រាល់​យានយន្ត​ទាំង​អស់​នៅលើ​ផ្លូវ​​ត្រូវ​តែ​មាន​ការ​ធានា​រ៉ាប់រង៕ TK

អត្ថបទគួរចាប់អារម្មណ៍