ភ្នំពេញៈ ផ្សារមូលបត្រកម្ពុជា(CSX)នឹងបង្កើនចំនួនដងនៃការជួញដូរពីពីរដងក្នុងមួយថ្ងៃទៅ៦ដងក្នុងមួយថ្ងៃដែលនឹងចូលជាធរមានពីថ្ងៃទី១១ខែមីនា។
មន្រ្តីពាក់ព័ន្ធបានឲ្យដឹងថា វិធានការនេះគឺជាកិច្ចខិតខំប្រឹងប្រែងមួយដើម្បីផ្ដល់ឱកាសឲ្យបានច្រើនដល់វិនិយោគិននិងធ្វើឲ្យការកាន់តែប្រសើរនូវសន្ទនីយភាពនៅលើទីផ្សារ។
យោងតាមសេចក្ដីប្រកាសព័ត៌មានរបស់ CSX ការអនុវត្តការជួញដូរដែលជាធម្មតាធ្វើប្រតិបត្តិការបើកនៅម៉ោង៨ព្រឹក ហើយអនុវត្តការជួញដូរលើកដំបូងនៅម៉ោង៩និងលើកទី២នៅម៉ោង ១១:៣០នាទីព្រឹក។
ការផ្លាស់ប្តូរថ្មីបើកម៉ោង៨ព្រឹកអនុវត្តការជួញដូរលើកទីមួយនៅម៉ោង៩ទី២នៅម៉ោង៩:៣០ទី៣នៅម៉ោង១០:០០ទី៤នៅម៉ោង ១០:៣០ ទី៥នៅម៉ោង ១១:០០ និងលើកទី៦នៅម៉ោង១១:៣០។
លោក Soleil LAMUN អនុប្រធានប្រតិបត្តិការទីផ្សាររបស់ CSX បានឲ្យដឹងថា៖«តាមពិតការកែប្រែច្បាប់នេះជាជំហានគួរឲ្យកត់សម្គាល់នៃការអភិវឌ្ឍទីផ្សារជួញដូរមូលបត្រកម្ពុជាចាប់ពីរបៀបសាមញ្ញទៅរបៀបទំនើបដើម្បីឆ្លើយតបឲ្យបានកាន់តែត្រឹមត្រូវចំពោះសេចក្ដីត្រូវការរបស់វិនិយោគិនសាធារណៈ»។
លោកបានបន្តថា៖ «ការបង្កើនចំនួនដងនៃការជួញដូរនឹងផ្ដល់ឲ្យវិនិយោគិននូវឱកាសច្រើនដើម្បីទិញឬលក់ដោយមិនបាច់រង់ចាំយូររហូតដល់ការអនុវត្តការជួញដូរ បន្ទាប់នោះទេ។ស្ថានការណ៍ថ្មីនេះធ្វើឲ្យវិនិយោគិនរង់ចាំតែពី៣០ទៅ៦០នាទីតែប៉ុណ្ណោះ»។លោកបន្តថាការផ្ដល់ឱកាសដល់វិនិយោគិនកាន់តែច្រើនដើម្បីជួញដូរនឹងមានការទាក់ទាញកាន់តែច្រើនលើទីផ្សាររបស់CSX។
លោកថ្លែងថា៖ «បច្ចុប្បន្នទីផ្សារយើងគឺបានបើកចំហ។ការបង្កើនចំនួនដងនៃការជួញដូរជាការចាប់ផ្ដើមមួយដ៏ល្អសម្រាប់វិនិយោគិនប្រតិបត្តិការជួញដូរកាន់តែច្រើនពីព្រោះការរៀបចំសម្រាប់ទីផ្សារជាប់ៗគ្នានេះនឹងគ្រោងបើកដំណើរការក្នុងរយៈពេលពីរបីឆ្នាំទៀត»។
លោក Han Kyung Tae នាយកគ្រប់គ្រងក្រុមហ៊ុនមូលបត្រ តុងយ៉ាងស៊ីឃ្យូរីធី ជាអ្នកធានាទិញមូលបត្ររដ្ឋករទឹកស្វយ័តភ្នំពេញ និងទូរគមនាគមន៍កម្ពុជានិយាយថាវិធានការនឹងមានផលវិជ្ជមានដោយការផ្ដល់ឱកាសកាន់តែច្រើនដល់វិនិយោគិនដើម្បីចូលរួមក្នុងទីផ្សារនេះ។
លោកបានបន្តថា៖ «CSX នឹងផ្ដល់ឱកាសកាន់តែច្រើនដល់វិនិយោគិនដើម្បីធ្វើការវិនិយោគក្នុងទីផ្សារនេះ។វាជាព័ត៌មានដ៏ល្អមិនមែនសម្រាប់តែវិនិយោគិនប៉ុណ្ណោះទេប៉ុន្តែសម្រាប់ក្រុមហ៊ុនមូលបត្រដូចយើងផងដែរ»។
ក្រុមហ៊ុន តៃវ៉ាន់ Taiwanese-owned Grand Twins International (Cambodia) Plc ជាក្រុមហ៊ុនឯកជនទីមួយដែលនឹងចុះបញ្ជីនៅ CSX ក្នុងខែមីនាឆ្នាំ២០១៣។
តម្លៃភាគហ៊ុនរបស់ PPWSA កាលពីថ្ងៃម្សិលមិញបានធ្លាក់ចុះមកនៅត្រឹម ៦ ៦០០ រៀល ពីតម្លៃ៦ ៦៥០រៀលក្នុងមួយហ៊ុនកាលពីថ្ងៃអង្គារ ហើយទំហំនៃការជួញដូរគឺ១៦ ២៤៨ ភាគហ៊ុន៕ PB
