បើនិយាយពីពិធីរៀបអាពាហ៍ពិពាហ៍គ្រប់ជាតិសាសន៍គ្រប់សាសនាត្រូវតែមានប្រពៃណីរៀបចំពិធីមង្គលការទៅតាមទំនៀមទម្លាប់របស់ពួកគេរៀងៗខ្លួន។ មួយវិញទៀតពិធីរៀបការមានច្រើនបែបច្រើនយ៉ាង ដែលអាចឲ្យមនុស្សទាំងអស់គ្នាធ្វើការជ្រើសរើសទៅ តាមការពេញចិត្តរបស់ពួកគេដូចជាការ
រៀបការតាម របៀបអឺរ៉ុប របៀប ប្រពៃណីខ្មែរ ឬតាមសាសនាផ្សេងៗ ដែលពួកគេមាន ជំនឿគោរពជាដើម។ លោកបូជាចារ្យ បប់ ពីសេ ជាអាចារ្យនៃសាសនាគ្រិស្ត បានមានប្រសាសន៍ថា បុរសស្ត្រី ដែលប្រណិប័តន៍ តាមសាសនាគ្រិស្ត មុនពេលឈានដល់ការចាប់ដៃគ្នា ជាគូស្វាមីភរិយា ពួកគេតម្រូវឲ្យរៀនអំពីអាពាហ៍ពិពាហ៍ជាមុនសិន ដោយសារតែអាពាហ៍ពិពាហ៍ មិនមែន ជារឿងមួយធម្មតានោះទេ។ បុរសស្ត្រីរៀបការតែម្តង ក្នុងមួយជីវិត តែមានមនុស្សមួយ ចំនួនដែលរៀបការដោយផ្តោតសំខាន់ទៅលើម្ហូប សម្លៀកបំពាក់ ភ្ញៀវ ភ្លេង ឬទីកន្លែង ជាដើម ដែលពួកគេមិនសូវជាគិតអំពីចិត្តគំនិតជាកត្តាសំខាន់ប៉ុន្មាននោះទេ។ សម្រាប់គ្រិស្តបរិស័ទត្រូវរៀនពីជីវិតអាពាហ៍ពិ៍ពាហ៍ រយៈពេលបីខែមុន ពេលរៀបការ ជាមួយនឹងលោកបូជាចារ្យ ឬបងស្រី (ដូនជី ) នៅក្នុងព្រះវិហារ។ ពិធីរៀបការរបស់អ្នកកាន់សាសនាគ្រិស្ត ឬគ្រិស្តបរិស័ទត្រូវ ប្រារព្ធធ្វើឡើងនៅក្នុងព្រះវិហារទៅតាមរបៀបសាសនាគ្រិស្ត ដែលខុសប្លែក ពីព្រះពុទ្ធសាសនាដែលរៀបចំពិធីនៅគេហដ្ឋានខាងស្រី។ លោកបូជាចារ្យ បប់ ពីសេ បានមានប្រសាសន៍ឲ្យដឹងថា ការ ដែលតម្រូវឲ្យគ្រិស្តបរិស័ទរៀបការ នៅក្នុងព្រះវិហារដោយសារអាពាហ៍ពិពាហ៍ ជាអគ្គសញ្ញាមួយក្នុង ចំណោមអគ្គសញ្ញាទាំង ៧ នៅក្នុងព្រះសហគមន៍កាតូលិក។
អគ្គសញ្ញាទាំង ៧ នោះរួមមានដូចជា ការជ្រមុជទឹក លាបថ្ងាស សម្របសម្រួល ទទួលព្រះកាយ លាបប្រេងសម្រាប់អ្នកជំងឺ អាពាហ៍ពិពាហ៍ និងតែងតាំងជាបូជាចារ្យ។
ការរៀបការតាមរបៀបសាសនាគ្រិស្ត គឺមិនមែនមិនបញ្ចូលវប្បធម៌ប្រពៃណីខ្មែរនៅក្នុងពិធី នោះទេ។ ជាក់ស្ដែងមានពិធីប្រពៃណីខ្មែរជាច្រើនដែលបានធ្វើរួមនៅក្នុងព្រះវិហារ ដូចជា ពិធីបង្វិលពពិល ការវាយ ឃ្មោះ ការអុជធូប ការចងដៃ និងទទួលផ្កាស្លាជាដើម។ ដោយសារយើងរស់ នៅប្រទេសកម្ពុជា សាសនា និងវប្បធម៌មានការទាក់ទងគ្នា។
លោកបូជាចារ្យបប់ ពីសេ បានបញ្ជាក់លើចំណុចសំខាន់មួយផងដែរថា ប្រសិនបើភាគីម្ខាង មិនមែនជាគ្រិស្តបរិស័ទក៏ដោយ ក៏ពួកគេត្រូវមករៀនពីអាពាហ៍ពិពាហ៍ជាមួយគ្នាដែរ ព្រោះពួកគេនឹងក្លាយជាគូស្រករនឹងគ្នា ហើយគូស្នេហ៍ទាំងពីរ ត្រូវទទួលការពន្យល់ដើម្បីឲ្យពួកគេចេះយោគយល់អធ្យាស្រ័យឲ្យគ្នាទៅវិញទៅមកពេលក្លាយជាប្តីប្រពន្ធនឹងគ្នា។
លោកបូជាចារ្យរូបនេះបានឲ្យដឹងថា អ្វីដែលសំខាន់នៅក្នុងការរៀបអាពាហ៍ពិពាហ៍ គឺការ សន្យារបស់បុរស និងស្ត្រីថាស្រឡាញ់ ស្មោះស្ម័គ្រនឹងគ្នាអស់មួយជីវិត។ នេះជាផ្នែកមួយ ដែលសំខាន់ជាងគេ ហើយការសន្យានេះ ត្រូវធ្វើនៅមុខលោកបូជាចារ្យ និងសាក្សីនៅក្នុង ព្រះវិហារ។ នៅពេលដែលពួក គេបំពេញនូវលក្ខណៈទាំងនេះហើយនោះពួកគេនឹងទទួលបានអគ្គសញ្ញាអាពាហ៍ពិពាហ៍។ ការសន្យាស្រឡាញ់គ្នាអស់មួយជីវិត គឺជាពិធី មួយដែល មានសារៈសំខាន់ជាងគេនៅក្នុងពិធីរៀបអាពាហ៍ពិពាហ៍។
តាមច្បាប់ព្រះសហគមន៍នៅពេលដែលពួកគេរៀបការហើយ គឺមិនអាចលែងលះគ្នាវិញ បានទេ តែនៅមានគ្រិស្តបរិស័ទមួយចំនួនបានលែងលះគ្នា។ ប្រសិនបើពួកគេបែកគ្នាហើយគឺភាគីម្ខាងៗមិនអាចរៀបការម្តងទៀតបានទេនៅក្នុងព្រះវិហារគេអាចរៀបការ នៅក្រៅព្រះវិហារតាមចិត្តរបស់គេបាន តែពួកគេមិនអាចទទួលអគ្គសញ្ញាអាពាហ៍ពិពាហ៍ បានឡើយ។
លោក ហ៊ិន រ៉ាន់ វ័យ ២៨ ឆ្នាំ ជាគ្រិស្តបរិស័ទ ដែលនឹងត្រៀមខ្លួនធ្វើជាកូនកំលោះនៅ ខែមីនា ឆ្នាំ ២០១០ នេះបានមានប្រសាសន៍ថា លោកកំពុងតែសិក្សាពីពិធីរៀបអាពាហ៍ពិពាហ៍ទាំងនៅក្នុងសាសនាគ្រឹស្ត និងព្រះ ពុទ្ធសាសនា ដោយសារលោក និង គូដណ្តឹងរបស់លោកនឹងរៀបចំពិធីនេះ ទាំងនៅក្នុងព្រះវិហារ និងនៅគេហដ្ឋានតាមរបៀបប្រពៃណីខ្មែរ។
លោកបានមានប្រសាសន៍ថា៖ «ខ្ញុំត្រូវរៀបការទាំងពីរប្រពៃណី គឺប្រពៃណីសាសនាគ្រិស្ត និងសាសនាព្រះពុទ្ធ ដោយសារតែនៅក្នុងគ្រួសារមានតែខ្ញុំម្នាក់ឯងប៉ុណ្ណោះ ដែលកាន់សាសនា ព្រះយេស៊ូ។ ដូចនេះខ្ញុំក៏ត្រូវតែធ្វើ ទៅតាមប្រពៃណីសាសនាព្រះពុទ្ធដែរ»។
លោកបានបន្ថែមថាវាមិនមានបញ្ហាអ្វីនោះទេ គឺដោយសារតែលោកប្រារឰពិធីរៀប អាពាហ៍ពិពាហ៍នៅក្នុងព្រះវិហារមុន បន្ទាប់មកទើបរៀបចំតាមរបៀបព្រះពុទ្ធសាសនា។ ការរៀបចំពិធីនៅក្នុងព្រះវិហារគឺមានរយៈពេលប្រមាណជាជិត ២ ម៉ោងប៉ុណ្ណោះ ដោយមានពិធីដូចជា បំពាក់ចិញ្ចៀន ការ សន្យានៅមុខលោកបូជាចារ្យ សាក្សី និងការទទួល អគ្គសញ្ញាអាពាហ៍ពិពាហ៍នៅក្នុងព្រះវិហារ។
លោកមានប្រសាសន៍ថា៖ “ខ្ញុំសប្បាយចិត្តដែលបានរៀបការពីររបៀប ដោយខ្ញុំបានគោរព ទៅតាមសាសនា ដែលខ្ញុំគោរពផង និងទៅតាមសាសនាដែលឪពុកម្តាយរបស់ខ្ញុំគោរពផងដែរ។ និយាយជារួម គឺយើងសប្បាយ ចិត្តក្នុងការធ្វើពិធីនេះ»៕
អត្ថបទគួរចាប់អារម្មណ៍
-
ភ្នំពេញៈ កីឡាករជើងខ្លាំងរបស់កម្ពុជាទាំង៣នាក់រួមមាន ធឿន ធារ៉ា, ផល សោភ័ណ្ឌ និង រឿង សោភ័ណ្ឌ សុទ្ធតែដណ្តើមបានខ្សែក្រវាត់កម្រិតពិភពលោករបស់ស្ថាប័ន International Professional Combat Council (IPCC)
-
ភ្នំពេញៈ លោក សុខ លូ អភិបាលខេត្តបាត់ដំបង បានប្រាប់ឱ្យដឹងនៅថ្ងៃទី ១ ខែតុលាថា ជំនន់ទឹកភ្លៀងនៅក្នុងខេត្តបាត់ដំបងបានស្រកទៅវិញបន្តិចហើយ និងមិនមានអ្វីដែលគួរឱ្យបារម្ភនោះទេ ខណៈផ្ទៃមេឃក៏ស្រឡះល្អ និងមានថ្ងៃរះច្បាស់
-
ភ្នំពេញៈ វីរកីឡាការិនីជឺជីតស៊ូរបស់កម្ពុជា ខាន់ ចេសា មិនអាចប្រើជំនាញដ៏ខ្លាំងរបស់ខ្លួន ដើម្បីឈានទៅបង្កើតប្រវត្តិសាស្ត្រថ្មី សម្រាប់ការឈ្នះខ្សែក្រវាត់កម្រិតពិភពល
-
ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីថ្ងៃសៅរ៍ បានប្រារព្ធខួប១ឆ្នាំនៃការកាត់ទឹកដីអ៊ុយក្រែនចំនួន ៤ តំបន់រាប់បញ្ចូលទាំងខុសច្បាប់ថា ជាទឹកដីរបស់ខ្លួន ដោយនិយាយថា ប្រជាជនក្នុងតំបន់ទាំងនោះបានសម្រេចចិត្តចូលជាមួយរុស្ស៊ី។
-
ត្រីបបែលយក្សទឹកសាបទម្ងន់ ៣០០ គីឡូក្រាម ដែលត្រូវបានរកឃើញនៅក្នុង ឃុំកោះព្រះ ស្រុកសៀមបូក ខេត្តស្ទឹងត្រែង កាលពីឆ្នាំមុន បានបំបែកឯតទគ្គកម្មពិភពលោក ដែលត្រូវបានទទួលស្គាល់ជាផ្លូវការដោយ Guinness World Records
-
ភ្នំពេញៈ ឥទ្ធិពលវិបត្តិសេដ្ឋកិច្ចសកលបានធ្វើឱ្យទឹកប្រាក់ដែលកម្ពុជារកបានពីការនាំជ័រកៅស៊ូទៅទីផ្សារអន្តរជាតិក្នុងរយៈពេល ៨ ខែដើមឆ្នាំ ២០២៣ មានត្រឹមតែជាង ២៧៣ លានដុល្លារប៉ុណ្ណោះ ធ្លាក់ចុះជាង