The Phnom Penh Post Search

Search form




Logo of Phnom Penh Post newspaper Phnom Penh Post - ម៉ារុហាន់​ពង្រីក​សាខា​នៅ​ឡាវ

ម៉ារុហាន់​ពង្រីក​សាខា​នៅ​ឡាវ

ម៉ារុហាន់​ពង្រីក​សាខា​នៅ​ឡាវ

ភ្នំពេញៈ ធនាគារ​ពាណិជ្ជ​ម៉ារុហាន់​ជប៉ុន​នៅ​កម្ពុជា​ចាប់​ផ្តើម​អាជីវកម្ម​របស់​ខ្លួន​នៅ​ប្រទេស​ឡាវ​កាល​ពី​ថ្ងៃ​សៅរ៍​។ វា​ជា​ធនាគារ កម្ពុជា​ទី​២ និង​ជា​ធនាគារ ជប៉ុន​ដំបូង​បង្អស់​នៅ​ក្នុង​ប្រទេស​ឡាវ​។

ធនាគារ​បាន​ឲ្យ​ដឹង​ក្នុង​សេចក្តី​ប្រកាស​ព័ត៌មាន​របស់​ខ្លួន​ថា​វត្តមាន​របស់​ធនាគារ​ក្នុង​ប្រទេស​ឡាវ​គឺជា​ស្ពាន​ដើម្បី​ជំរុញ​ទំនាក់​ទំនង​ផ្នែក​សេដ្ឋកិច្ច​និង​វិនិយោគ​រវាង​ប្រទេស​ជា​សមាជិក​អាស៊ាន​ទាំង​ពីរ​នេះ​ហើយ​ក៏​ជា​ការ​ត​ភ្ជាប់​ការ​ទាក់​ទាញ​វិនិយោគិន​ជប៉ុន​មក​កាន់​ប្រទេស​ទាំង​ពីរ​ផង​ដែរ​។

លោក Han Chang-Woo ប្រធាន និង​ជា​នាយក​របស់​ធនាគារ​និយាយ​ក្នុង​សេចក្តី​ប្រកាស​ព័ត៌មាន​ថា​៖ «​ប្រទេស​នេះ​មាន​ទី​តាំង​សំខាន់​និង​មាន​សក្ដានុពល​សម្រាប់​ការ​អភិវឌ្ឍ​ហេដ្ឋា​រចនា​សម័្ពន្ធ​ដឹក​ជញ្ជូន​របស់​ប្រទេស​បាន​លើក​យក​ជា​គោល​សំខាន់​ព្រោះ​ជា​កន្លែង​ដឹក​ជញ្ជូន​ក្នុង​តំបន់​អាស៊ាន​ពេល​អនាគត​។

អេស៊ី​លីដា​ធនាគារ​ជា​ធនាគារ​ក្នុង​ស្រុក​មួយ​បាន​បង្កើត​សាខា​ក្នុង​ប្រទេស​ឡាវ​ចាប់​តាំង​ពី​ឆ្នាំ​២០០៨ ហើយ​មក​ដល់​ពេល​នេះ​ធនាគារ​នេះ​បាន​ពង្រីក​សាខា​ចំនួន​២៨ ក្នុង​ខេត្ត​ទាំង​១០​។

លោក អ៊ិន ចាន់​នី ប្រធាន​អេស៊ី​លីដា​ឲ្យ​ដឹង​ថា៖ «ខ្ញុំ​គិត​ថា​ទី​ផ្សារ​ពិត​ជា​ល្អ​ព្រោះ​យើង​បាន​ទទួល​តម្រូវ​ការ​ដ៏​ធំ​។ វត្តមាន​របស់​ម៉ារុហាន់​នឹង​ផ្ដល់​ជម្រើស​ច្រើន​ដល់​អតិថិជន​»​។

ឆ្នាំ​មុន​ម៉ារុហាន់ បើក​ការិយាល័យ តំណាង​នៅ​មីយ៉ាន់ម៉ា៕ PB

អត្ថបទគួរចាប់អារម្មណ៍