The Phnom Penh Post Search

Search form




Logo of Phnom Penh Post newspaper Phnom Penh Post - អេស៊ីលីដា​ពង្រីក​ប្រតិបត្តិការ​ជាមួយ​SMBC

អេស៊ីលីដា​ពង្រីក​ប្រតិបត្តិការ​ជាមួយ​SMBC

អេស៊ីលីដា​ពង្រីក​ប្រតិបត្តិការ​ជាមួយ​SMBC

ភ្នំពេញៈ ធនាគារ​អេស៊ីលី​ដា​ កាលពី​ថ្ងៃ​ព្រហស្បតិ៍​បាន​ចុះ​ហត្ថលេខា​លើ​កិច្ច​ព្រម​ព្រៀង​សហប្រតិបត្តិ​ការ​ផ្ដល់​សេវាកម្ម​ជាមួយ​ធនាគារ Sumitomo Mitsui (SMBC)។

ស្ថិត​ក្រោម​កិច្ច​ព្រមព្រៀង​នេះ​ ភាគី​ទាំង​ពីរ​មាន​បំណង​បង្កើត​ការិយាល័យ​សាជីវកម្ម​អន្តរ​ជាតិ​ ​(FCD) នៅ​​ក្នុង​ការិយាល័យ​ធនាគារ​​អេស៊ីលីដា។

លោក អ៊ិន ចាន់នី ប្រធាន​នាយក​ប្រតិបត្តិ​ធនាគារ​អេស៊ីលីដា បាន​ឲ្យ​ដឹង​ថា SMBC នឹង​ផ្ដល់​ជំនាញ​ និង​អ្នក​ជំនាញ​ដល់​ពួក​គេ​​ផ្អែក​​លើ(FCD)​ក្នុង​ការ​ជួយ និង​ការ​គាំទ្រ​ដល់​ធនាគារ​អេស៊ីលីដា ដើម្បី​ពង្រីក​សេវាកម្ម និង​ធនាគារ​ផលិតផល​ពាណិជ្ជ​របស់​ខ្លួន​ដើម្បី​ឆ្លើយ​តប​សេចក្ដី ត្រូវ​ការ​របស់​អតិថិជន​អន្តរជាតិ​ពិសេស​ការ​បង្កើត​សេវាកម្ម​ការិយាល័យ​ក្រុមហ៊ុន​បរទេស​ជាមួយ​នឹង​ធនាគារ​នេះ​។​

លោក​បន្ត​ថា៖ « តាម​រយៈ​កិច្ច​ព្រមព្រៀង​ជាមួយ SMBC ធនាគារ​អេស៊ី​លីដា​អាច​ដាក់​អ្នក​ជំនាញ​បញ្ចូល​គ្នា​ក្នុង​ការ​ផ្ដល់ ​គុណភាព​សេវា​ល្អ​បំផុត​ដើម្បី​បម្រើ​អតិថិជន​ក្រុម​ហ៊ុន​របស់​ខ្លួន »។

លោក​បន្ថែម​ថា​៖​«SMB​C នឹង​ដើរ​តួ​ជា​បណ្ដាញ​ទំនាក់​ទំនង​​​​រវាង​ SMBC និង​ធនាគារ​អេស៊ីលីដា​ ​សម្រាប់​ការ​ផ្ដល់​ព័ត៌​មាន​ស្ដី​ពី​ការ​ស៊ើប​អង្កេត​ក្រុម​ហ៊ុន​​បរទេស ក្នុង​ការ​ពង្រីក​មក​កម្ពុជា​»។

លោក​​លើកឡើង​ថា​៖ «​វា​ជា​កន្លែង​សមរម្យ​មួយ​ដើម្បី​ជួយ​​ដល់​កិច្ច​ខិត​ខំ​ប្រឹង​ ប្រែងផ្នែ​ក​​ទី​ផ្សារ​របស់​អតិថិ​ជន​ជា​ក្រុម​ហ៊ុន​បរ​ទេស​និង​​ដើម្បី ​ផ្ដល់​ការ​ប្រឹក្សា​យោបល់​ស្ដី​ពី​​ផែ​ន​​ការ​និង​ការ​ប្រតិបត្តិ​ របស់​​អតិថិជន​ដែល​កម្ម​វិធី​បង្កើត​ពាណិជ្ជកម្ម​ថ្មី​និង​​លើក​ កម្ពស់​ការ​យក​ចិត្ត​ទុក​ពី​អតិថិជន​នៅ​ក្នុង​ផ្នែក​ពាណិជ្ជកម្ម​ដែល​បាន​កំណត់​»។​

លោក ​ Masayuki Shimura នាយក​គ្រប់​គ្រង​ និង​ជា​ប្រធាន​​ផ្នែក​​អាស៊ី​ប៉ា​ស៊ី​ហ្វិច​របស់​ SMBC បាន​​ថ្លែង​នៅ​ក្នុង​​​អំឡុង​ពេល​ចុះ​ហត្ថ​លេខា​នេះថា​៖ «​យើង​​មាន​ចិត្ត​រំភើប​ដែល​ធនា​គារ​​អេស៊ីលី​ដា​ ​បាន​ជ្រើសរើស​​យក​ SMBC ដើម្បី​​ផ្ដល់​ជំនាញ​ និង​អ្ន​កជំនាញ​របស់​ខ្លួន​ស្ដី​ពី​ការិយាល័យ​សាជីវកម្ម​អន្តរជាតិ​។ SMBC នឹង​ពង្រីក​សមត្ថ​ភាព​របស់​​ខ្លួន​​ក្នុង​ការ​​ផ្ដល់​ដំណោះ​ស្រាយ​សាក​ល្បង​ ​ផ្ដល់​​ការ​ពិ​គ្រោះ​​​យោបល់​លើស​​ពី​គុណ​ភាព​ខ្ពស់​បច្ចុ​ប្ប​ន្ន​របស់ ខ្លួន​​​​ព័ត៌​មាន ​និង​​សេវាកម្ម​ដ៏​មាន​ប្រយោជន៍​ចំពោះ​ធនាគារ​អេស៊ី​លីដា​»។​ ការ​ចាប់​ផ្ដើម​ប្រតិបត្តិការ​​ពិត​ប្រាក​ដ​របស់​ការិយា-​ល័យ​សាជីវ​ កម្ម​​អន្តរ​ជាតិ​នេះ​នឹង​ត្រូវ​ប្រកាស​​ពេលជិត ​​កាល​​បរិច្ឆេ​ទ​​​នៃ​ការ​ចាប់​​ផ្ដើម​ដំ​ណើរ​ការ​អាជីវកម្ម​​ពិតប្រាកដ៕

អត្ថបទគួរចាប់អារម្មណ៍