The Phnom Penh Post Search

Search form




Logo of Phnom Penh Post newspaper Phnom Penh Post - VisionFund នាំ​មក​នូវ​ការ​រីកចម្រើន​ដល់​កម្ពុជា




VisionFund នាំ​មក​នូវ​ការ​រីកចម្រើន​ដល់​កម្ពុជា

VisionFund នាំ​មក​នូវ​ការ​រីកចម្រើន​ដល់​កម្ពុជា

120831_06
លោក Chee Chin Hoe នាយកប្រតិបត្តិរបស់ VisionFund Stuart Becker

ពលរដ្ឋ ម៉ាឡេស៊ី​ម្នាក់​នៅ​កម្ពុជា​ដែល​បាន​កើត​ក្នុង​ឆ្នាំ​ដែល​ម៉ាឡេស៊ី​ទទួល​ បាន​ឯករាជ្យ​ ហើយ​ដែល​គេ​ប្រារព្ធ​ខួប​លើក​ទី​៥៥​ឆ្នាំ​នៅ​ថ្ងៃ​នេះ​គឺ​លោក Chee Chin Hoe ជា​នាយក​ប្រតិបត្តិ​របស់​អង្គការ​មូលនិធិ VisionFund នៅ​កម្ពុជា។

លោក Chee ដែល​ក្រឡេក​ទៅ​មើល​ការងារ​កាល​ពី​រយៈ​ពេល​ពីរ​ឆ្នាំ​កន្លះ​មុន​ក្នុង​ការ​ ដឹក​នាំ​ស្ថាប័ន​មីក្រូ​ហិរញ្ញវត្ថុ​នៅ​កម្ពុជា​បាន​មាន​ប្រសាសន៍​ថា លោក​មិន​មាន​ការ​សោក​ស្ដាយ ក្នុង​ការ​សម្រេច​ចិត្ត​មក​កាន់​ប្រទេស​កម្ពុជា​នោះ​ឡើយ​ក្រោយ​ពី​មាន អាជីព​មួយ​ក្នុង​រយៈ​ពេល​៣០​ឆ្នាំ​នៅ​ប្រទេស​ម៉ាឡេស៊ី​ក្នុង​វិស័យ​ធនាគារ​ ពាណិជ្ជកម្ម។

លោក Chee បាន​បញ្ជាក់​ពី​អារម្មណ៍​របស់​លោក​​ចំពោះ​ប្រទេស​កម្ពុជា​ថា៖«បើ​ក្រឡេក​ មើល​ទៅ​ក្រោយ​វិញ ខ្ញុំ​មិន​មាន​ការ​សោក​ស្ដាយ​ទេ​ចំពោះ​ការ​ចេញ​ពី​អាជីព​មួយ​ដែល​ស្ថិត​ ស្ថេរ​ និង​រឹង​មាំ​អស់​រយៈ​ពេល​ជាង​៣០​ឆ្នាំ​នៅ​ក្នុង​វិស័យ​ធនាគារ ពាណិជ្ជ​នេះ។ ខ្ញុំ​មិន​មែន​កំពុង​ស្វែងរក​អត្ថ​ប្រយោជន៍​ហិរញ្ញវត្ថុ​ទេ តែ​ដើម្បី​ឆ្លើយ​តប​ចំពោះ​ការ​ស្នើ​សុំ​កាន់​តែ​ខ្លាំង​ឡើងៗ​នៅ​ក្នុង​ប្រទេស នេះ»។

លោក​ Chee បាន​មាន​ប្រសាសន៍​ថា​«ការ​ធ្វើ​ការ​នៅ​មូលនិធិ​VisionFund​នេះ​បាន​ធ្វើ​ឲ្យ​ខ្ញុំ​ពេញ​ចិត្ត​យ៉ាង​ខ្លាំង ព្រោះ​ខ្ញុំ ​ត្រូវ​បម្រើ​ការ​​នៅ​ក្នុង​ស្ថាប័ន​មួយ​ដែល​មាន​ឱកាស​ដ៏​ធំធេង​ដើម្បី​ផ្ដល់ ​ការ​ជួយ​សង្គ្រោះ​ដល់​អ្នក​ក្រីក្រ និង​ប្រជា​ពលរដ្ឋ​ដែល​ត្រូវ​ការ​ជួយ​ខ្លាំង​រហូត​ដល់​ទីបំផុត​បាន​ជួយ​ដល់​ កុមារ​ និង​អ្នក​ជំនាន់​ក្រោយ​រស់​នៅ​លើ​ទឹក​ដី​នេះ»។

លោក Chee Chin Hoe បាន​ថ្លែង​ថា លោក​មាន​ការ​សប្បាយ​ចិត្ត​ចំពោះ​កំណើន​នេះ​ក្នុង​ពេល​បណ្ដាក់​ទុន​រួម​ គ្នា​រយៈ​ពេល​ពីរ​ឆ្នាំ​កន្លះ​របស់​លោក​នៅ​បំរើ​ឲ្យ​មូលនិធិ VisionFund កម្ពុជា​ នេះ​គឺ​មាន​អតិថិជន​ខ្ចី​ប្រាក់​កើន​ឡើង​ពី​ចំនួន​៩៨ ០០០​នាក់​ទៅ​១៤៥០០០​នាក់​ គឺ​កើន​ឡើង​ជិត​៥០​ភាគរយ។

លោក Chee Chin Hoe បាន​បន្ថែម​ថា មូលនិធិ​ VisionFund បាន​ជួយ​ស្រោច​ស្រង់​ស្ថានភាព​កុមារ​នៅ​កម្ពុជា​ផង​ដែរ។ លោក​បាន​មាន​ប្រសាសន៍​ថា​អំឡុង​ពេល​ដូច​គ្នា​នេះ​ប្រាក់​កម្ចី​របស់​យើង​ក៏ ធ្វើ​ឲ្យ​មាន​ការ​កើន​ឡើង​ទ្វេ​ដង​ពី​ចំនួន​២១​លាន​ដុល្លារ​ទៅ​៤២​លាន​ ដុល្លារ​ផង​ដែរ​នៅ​ពេល​បច្ចុប្បន្ន​នេះ»។

លោក​ក៏​សប្បាយ​ចិត្ត​ផង​ដែរ​ ដែល​គុណភាព​ផលបត្រ​ប្រាក់​កម្ចី​នេះ​បាន​កើន​ឡើង​យ៉ាង​ខ្លាំង​ពី​អត្រា​ មិន​ទាន់​ចំណាយ​ចំនួន​៣,៤០​ភាគរយ​ក្នុង​ឆ្នាំ​២០០៩​នៅ​ក្រោម​កម្រិត ០,២៥​ភាគ​រយ​នៅ​ថ្ងៃ​នេះ។

លោក​បាន​បញ្ជាក់​ថា៖«ជា​ការ​ពិត ​មាន​តម្រូវ​ការ​បន្ត​ដំណើរ​អង្គការ​នេះ​ដោយ​វិជ្ជាជីវៈ​និង​​ប្រសិទ្ធភាព ដើម្បី​រក្សា​ស្ថិរភាព​បម្រើ​សម្រាប់​រយៈ​ពេល​ដ៏​យូរ​អង្វែង។ ចំពោះ​បញ្ហា​នោះ​ ខ្ញុំ​ពេញ​ចិត្ត​ដែល​យើង​ឥឡូវ​នេះ​អាច​ទទួល​បាន​ទ្រព្យ​សម្បត្តិ​ត្រឡប់ មក​វិញ​ដោយ​សមរម្យ​នៅ​ក្នុង​តំបន់​នេះ​ចំនួន​៤​ភាគរយ»។

លោក​បន្ថែម​ថា៖ «សរុប​មក អង្គការ​មូលនិធិ​VisionFund​កម្ពុជា បាន​រីក​ចម្រើន​ពី​កម្លាំង​មួយ​ទៅ​កម្លាំង​មួយ​ ខណៈ​វា​ខិតខំ​បន្ត​បេសកកម្ម​ និង​សកម្ម​ភាព​សង្គម​ពិត​ប្រាកដ​របស់​ខ្លួន។ ចំពោះ​រូប​ខ្ញុំ​វិញ នេះ​គឺ​ជា​ភាព​សោមនស្ស​មួយ​ដែល​លុយ​មិន​អាច​ទិញ​បាន»។ PN

អត្ថបទគួរចាប់អារម្មណ៍