The Phnom Penh Post Search

Search form




Logo of Phnom Penh Post newspaper Phnom Penh Post - ធនាគារ អ អេច ប៊ី ខេមបូឌា ណែនាំ​កម្មវិធី goWave ដើម្បី​លើកកម្ពស់​ចំណេះដឹង​ហិរញ្ញវត្ថុ




ធនាគារ អ អេច ប៊ី ខេមបូឌា ណែនាំ​កម្មវិធី goWave ដើម្បី​លើកកម្ពស់​ចំណេះដឹង​ហិរញ្ញវត្ថុ

Content image - Phnom Penh Post
កម្មវិធី goWave by RHB ជួយ​លើកកម្ពស់​បន្ថែម​ចំណេះដឹង​ហិរញ្ញវត្ថុ​ក្នុងចំណោម​យុវជន​កម្ពុជា​។

ធនាគារ អ អេច ប៊ី ខេមបូឌា ណែនាំ​កម្មវិធី goWave ដើម្បី​លើកកម្ពស់​ចំណេះដឹង​ហិរញ្ញវត្ថុ

ធនាគារ អ អេច ប៊ី ខេមបូឌា បាន​ណែនាំ​កម្មវិធី goWave by RHB ដែលជា​ប្រព័ន្ធ​មាតិកា​កម្មវិធី​ផ្សព្វផ្សាយ​តាម​ប្រព័ន្ធ​ឌីជីថល​គ្រប់​ជ្រុងជ្រោយ ដែល​បាន​បង្កើតឡើង​ ដើម្បី​លើកកម្ពស់​បន្ថែមទៀត​នូវ​ចំណេះដឹង​ផ្នែក​ហិរញ្ញវត្ថុ​ក្នុងចំណោម​យុវជន​កម្ពុជា តាមរយៈ​អត្ថបទ​ខ្លីៗ​ដ៏មាន​អត្ថប្រយោជន៍ វីដេអូ​ខាប់ស៊ុល ហើយ​ឧបរកណ៍​ហិរញ្ញវត្ថុ​ទៀតសោត​ក៏​មាន​ការរីកសាយភាយ​ទៅក្នុង​បណ្តុំ​ព័ត៌មាន​ឌីជីថល ដូចជា​តាមរយៈ​គេហទំព័រ​របស់ខ្លួន ក៏ដូចជា​តាម​ប្រព័ន្ធ​កម្មវិធី​បណ្តាញ​សង្គម​ផ្សេងៗ​ផង​ដែរ​។

«​កម្មវិធី goWave by RHB ធ្វើការ​ណែនាំ សម្របសម្រួល និង​ផ្តល់​អំណាច​ដល់​យុវជន​កម្ពុជា ឆ្ពោះ​ទៅ​រក​ការសម្រេច​បាន​គោលដៅ​ហិរញ្ញវត្ថុ​របស់​ពួកគេ​។ គំនិត​ផ្តួចផ្តើម​នេះ​កំពុង​ត្រូវបាន​រៀបចំ​ឡើង​ជា​ ៣ ​ដំណាក់កាល​ចាប់ផ្តើម​ជាមួយ​នឹង​គេហទំព័រ​កម្មវិធី goWave by RHB​។ បន្ទាប់មក​នឹងមាន​កម្មវិធី goWave Lite Mobile App ដែល​ផ្តល់នូវ​ការរួមបញ្ចូល​ប្រព័ន្ធ​ធនាគារ​ដែល​បាន​កែលម្អ ហើយ​នៅ​ទីបំផុត​មាន​ការផ្តល់​ជូន​ផលិតផល​ធនាគារ ១ ​ឈុត​ពេញ ដោយ​បំពេញ​ទាំងស្រុង​នូវ​សេវាកម្ម​គ្រប់​ជ្រុងជ្រោយ​របស់​យើង​ដែល​ផ្តល់ជូន​សម្រាប់​ប្រជាជន​កម្ពុជា​វ័យក្មេង​» នេះ​បើតាម​ការលើកឡើង​​របស់​លោក Wong Kee Poh នាយកប្រតិបត្តិ​/​អគ្គនាយក​របស់​ធនាគារ អ អេច ប៊ី ខេមបូឌា ។

Content image - Phnom Penh Post
លោក Wong Kee Poh នាយក​ប្រតិបត្តិ​ធនាគារ អ អេច ប៊ី ខេមបូឌា

ក្នុង​មុខងារ​ជា​មជ្ឈមណ្ឌល​ហិរញ្ញវត្ថុ​ផ្ទាល់ខ្លួន​គ្រប់​យ៉ាង​ក្នុង​ប្រព័ន្ធ​តែមួយ កម្មវិធី goWave by RHB អនុញ្ញាត​ឱ្យ​អ្នកប្រើប្រាស់​មាន​ទំនាក់ទំនង​ជាមួយ​កម្មវិធី chatbot ស្វ័យប្រវត្តិ តាមរយៈ​បណ្តាញ​សង្គម​ហ្វេសប៊ុក​ដោយ​ផ្តល់​ឱ្យ​ពួកគេ​នូវ​ព័ត៌មាន​ថ្មីៗ​បំផុត​នៅលើ​គេហទំព័រ បណ្តាញ​សង្គម​ឌីជីថល និង​ការណែនាំ​អំពី​អំណាន​ដែល​ពាក់ព័ន្ធ​។ លើសពី​នោះ​ទៅទៀត សិក្ខាសាលា​តាម​ប្រព័ន្ធ​អ៊ីនធឺណិត​ក៏​អាច​ត្រូវ​បានរៀបចំ​ធ្វើឡើង​ដោយ​អ្នកដឹកនាំ គោល​គំនិត​គន្លឹះ​ក្នុង​បណ្តាញសង្គម ដើម្បី​ពិភាក្សា​អំពី​ប្រធានបទ​ហិរញ្ញវត្ថុ​ដ៏គួរ​ឱ្យ​ចាប់អារម្មណ៍ និង​មាន​ប្រយោជន៍​។

លោក Wong បាន​បន្ថែមថា​៖ «​គំនិត​ផ្តួចផ្តើម​នេះ​លើកឡើង​អំពី​ទស្សនៈ​យល់ឃើញ​រយៈពេល​វែង​ឆ្ពោះទៅរក​ការរៀបចំ​យុវជន​ជំនាន់​ថ្មី ដោយ​ផ្តល់ឱ្យ​ពួកគេ​នូវ​ការអប់រំ មធ្យោបាយ និង​ដំណោះស្រាយ​ដែល​ចាំបាច់​ដើម្បីឱ្យ​ពួកគេ​ធ្វើការ​សម្រេចចិត្ត​ផ្នែក​ហិរញ្ញវត្ថុ នៅក្នុង​ជីវិត​មនុស្សពេញវ័យ​របស់​ពួកគេ​»​។

ក្នុង​ចំណោម​លក្ខណៈពិសេស និង​ប្រធានបទ​ជាច្រើន​ដែលមាន​ផ្តល់ជូន​តាមរយៈ​កម្មវិធី goWave by RHB រួមមាន ហិរញ្ញវត្ថុ (Finance 101) ការសន្សំ និង​ថវិកា (Save and Budget) បែបផែន​ជីវិត​រស់នៅ (Lifestyle) កម្ចី (Borrow) ការវិនិយោគ (Invest) ក៏ដូចជា​មធ្យោបាយ​នានា​ ដើម្បី​ជួយ​អ្នក​នៅក្នុង​ការរៀបចំ​ផែនការ​ហិរញ្ញវត្ថុ​របស់​​អ្នក​។ តាមរយៈ​ការបើក​សម្ពោធ​ក្នុង​កម្មវិធី​បណ្តាញ សារព័ត៌មាន​សង្គម​តាម​អ៊ីនធឺណិត​ពិសេស​តែ​ ១ ​គ្មាន​ ២ កម្មវិធី goWave by RHB គឺជា​ប្រព័ន្ធ​កម្មវិធី​សហគមន៍​ឌីជីថល​ដែល​គូសបញ្ជាក់​ពី​ការប្តេជ្ញាចិត្ត​របស់​ធនាគារ អ អេច ប៊ី ខេមបូឌា នៅក្នុង​ការជំរុញ​កិច្ចខិតខំ​ប្រឹងប្រែង​នៅក្នុង​ផ្នែក​ឌីជីថល​នីយកម្ម ក្នុង​ក្របខ័ណ្ឌ​វិស័យ​ឧស្សាហកម្ម​ហិរញ្ញវត្ថុ​នៅក្នុង​ប្រទេស​។ កម្មវីធី​នេះ​ត្រូវបាន​ប្រព្រឹត្តឡើង​នៅ​ថ្ងៃទី​ ២ ខែមិថុនា អ្នកចូលរួម​ទាំងអស់​ស្ថិត​ក្នុង​ការទទួល​ខុសត្រូវ​ដោយ​ការពាក់​ម៉ាស់ និង​រក្សា​គម្លាត​ពីគ្នា​។ សូម​ចូលទៅ​គេហទំព័រ https://gowave.rhbgroup.com.kh

អត្ថបទគួរចាប់អារម្មណ៍