.jpg)
លោក ស៊ូ សុជាតិ អគ្គនាយកនៃ ន.ម.ក. ។ រូបភាព: ន.ម.ក.
ភ្នំពេញៈ និយ័តករមូលបត្រកម្ពុជា (ន.ម.ក.) បានចុះអនុស្សរណៈយោគយល់គ្នា (MoU) ជាមួយក្រុមហ៊ុន ប៊ី ត្រេដ សេនធ័រ ឯ.ក (BI Trade Center Co.,Ltd) ដើម្បីចូលរួមចំណែកអភិវឌ្ឍវិស័យមូលបត្រនៅកម្ពុជា។
លោក ស៊ូ សុជាតិ អគ្គនាយកនៃ ន.ម.ក. បានចុះហត្ថលេខាលើ MoU ជាមួយតំណាងក្រុមហ៊ុន ប៊ី ត្រេដ សេនធ័រស្ដីពីការពិគ្រោះយោបល់ និងការផ្តល់ជំនួយបច្ចេកទេសក្នុងការរៀបចំ បទប្បញ្ញត្តិពាក់ព័ន្ធនឹងស៊ែនបុក (Sandbox) ក្នុងវិស័យមូលបត្រ និងការធ្វើតេស្តបច្ចេកទេសពាក់ព័ន្ធតាមរយៈប្រព័ន្ធអនឡាញ (Zoom) កាលពីថ្ងៃទី ២៨ ឧសភា កន្លងទៅ។
តាមរយៈ MoU ក្រុមហ៊ុននេះនឹងផ្តល់ប្រឹក្សាផ្នែកបច្ចេកវិទ្យាហិរញ្ញវត្ថុ (FinTech) លើចំណេះដឹង និងជំនាញវិជ្ជាជីវៈ ព្រមទាំងជំនួយបច្ចេកទេសដល់ ន.ម.ក. ក្នុងការរៀបចំក្របខ័ណ្ឌបទប្បញ្ញត្តិពាក់ព័ន្ធនឹងស៊ែនបុកក្នុងវិស័យមូលបត្រ និងការធ្វើតេស្តបច្ចេកទេសពាក់ព័ន្ធ៕
