The Phnom Penh Post Search

Search form




Logo of Phnom Penh Post newspaper Phnom Penh Post - កំណើនសេដ្ឋកិច្ច​សហរដ្ឋ​អាមេរិក​កំពុង​ធ្វើឱ្យ​គូ​រូបិយប័ណ្ណ​ដុល្លារ​អាមេរិក និង​ដុល្លារ​កាណាដា​កើនឡើង




កំណើនសេដ្ឋកិច្ច​សហរដ្ឋ​អាមេរិក​កំពុង​ធ្វើឱ្យ​គូ​រូបិយប័ណ្ណ​ដុល្លារ​អាមេរិក និង​ដុល្លារ​កាណាដា​កើនឡើង

Content image - Phnom Penh Post
លោក ជា ប្រាសិទ្ធ ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល។

កំណើនសេដ្ឋកិច្ច​សហរដ្ឋ​អាមេរិក​កំពុង​ធ្វើឱ្យ​គូ​រូបិយប័ណ្ណ​ដុល្លារ​អាមេរិក និង​ដុល្លារ​កាណាដា​កើនឡើង

ទំនោរ​តម្លៃ​គូ​រូបិយប័ណ្ណ​ដុល្លារ​អាមេរិក និង​ដុល្លារ​កាណាដា​បាន​ចាប់ផ្តើម​មាន​ការកើនឡើង​ជា​លំដាប់​តាំងពី​សប្តាហ៍​មុន​ចាប់ពី​តម្លៃ ១,២០០៧០ ដល់ ១,២១៣១០ ដុល្លារ​កាណាដា​។ ផ្អែក​តាម​ទិន្នន័យ​ដែល​បានប្រកាស​ថ្មីៗ ទាក់ទង​នឹង​អត្រា​ការងារ​ធ្វើ​ទាំង​នៅ​សហរដ្ឋអាមេរិក និង​កាណាដា​បាន​ក្លាយជា​កត្តា​ជំរុញ​សំខាន់​ដល់​តម្លៃ​គូ​រូបិយប័ណ្ណ​នេះ​ឱ្យ​បន្ត​កំណើន​ក្នុង​ទិសដៅ​ថ្មី និង​ខ្ពស់ជាង​មុន​។

យោងតាម​គេហទំព័រ Forexfactory.com ទិន្នន័យ​អត្រា​អ្នកមាន​ការងារ​ធ្វើ (​ក្រៅពី​វិស័យ​កសិកម្ម​) ​នៅ​សហរដ្ឋអាមេរិក​សម្រាប់​ខែ​ឧសភា​មាន​កំណើន​រហូតដល់ ៥៥៩ ០០០ ​នាក់ លើសពី​ខែមេសា​ដែលមាន​ត្រឹមតែ​ ២៧៨ ០០០ នាក់​តែប៉ុណ្ណោះ ខណៈ​ដែល​អត្រា​អ្នកមាន​ការងារ​ធ្វើ​នៅ​កាណាដា​មាន​ការធ្លាក់ចុះ​រហូតដល់ ៦៨ ០០០ ​នាក់​ដែល​អាច​បន្ថែម​ជា​ក្តីកង្វល់​ដល់​រដ្ឋាភិបាល​ប្រទេស​កាណាដា​ផងដែរ​។

ប្រធានាធិបតី​លោក Joe Biden ក៏បាន​បញ្ជាក់​ក្នុង​សេចក្ដី​ថ្លែងការណ៍​ស្ថិតិ​ការងារ និង​សេដ្ឋកិច្ច​សហរដ្ឋអាមេរិក​នៅ​មជ្ឈមណ្ឌល​សន្និបាត​នៅ Rehoboth កាលពី​ថ្ងៃទី​ ៤ ខែមិថុនា ថា​៖ «​កម្រិត​អត្រា​អ្នក​គ្មាន ការងារ​ធ្វើ​នៅ​សហរដ្ឋអាមេរិក​ដែល​បាន​ធ្លាក់​ចុះមក​នៅត្រឹមតែ ៥.៨% នេះ គឺជា​សមិទ្ធផល​ដ៏ល្អ​បំផុត​ដែល​លោក​សម្រេចបាន ហើយ​វា​ល្អ​លើសពី​ប្រធានាធិបតី​ផ្សេងៗ​ទៀត​ក្នុង​រយៈពេល​ ៤ ​ខែ​ដំបូង បន្ទាប់ពី​ចូលកាន់​តំណែង​ជា​ផ្លូវការ​»​។

យោងតាម​គេហទំព័រ wellxin.com កាលពី​ថ្ងៃទី​ ៦ សប្តាហ៍​នេះ រដ្ឋមន្ត្រី​រតនាគារ​សហរដ្ឋអាមេរិក លោកស្រី Janet Yellen ជឿជាក់ថា​ផែនការ​ចំណាយ​ចំនួន ៤ ពាន់​ពាន់​លាន​ដុល្លារ​ទៅលើ​ហេដ្ឋារចនាសម្ព័ន្ធ​វិនិយោគ និង​ផែនការ​គ្រួសារ​សញ្ជាតិ​អាមេរិក​របស់​ប្រធានាធិបតី​អាមេរិក គឺមាន​អត្ថប្រយោជន៍​ខ្លាំងណាស់​ដល់​សេដ្ឋកិច្ចជាតិ​ក្នុងអំឡុង​នៃ​វិបត្តិ​ជំងឺ​កូវីដ​ ១៩ នេះ​។

តាម​លក្ខណៈ​បច្ចេកទេស​វិញ ទំនោរ​តម្លៃ​គូ​រូបិយប័ណ្ណ​នេះ កំពុង​ធ្លាក់ចុះ​ក្នុង​សន្ទុះ​ខ្សោយ ហើយ​កំពុងបង្វែរ​ទិសដៅ​ទៅរក​ទំនោរ​ឡើងថ្លៃ​វិញ ព្រោះ​ខ្សែ​សូចនាករ RSI និង​សម្ទុះ​តម្លៃ​មាន​ការឡើង​ចុះ​បញ្ច្រាស​ទិសដៅ​គ្នា​បង្កើត​បាន​ជា​រាង Convergence និង​កំពុង​រង់ចាំ​ចំណុច​បំបែក​ក្រោយពី​ការប្រកាស​ទិន្នន័យ​សេដ្ឋកិច្ច​សំខាន់ៗ​ផ្សេងទៀត​នៅក្នុង​សប្តាហ៍​នេះ​។

ដូច្នេះ សម្រាប់​ការវិភាគ​ក្នុង​ការជួញដូរ វិនិយោគិន​គួរ​ទិញ​នៅ​តម្លៃ ១,២០៦០០ ដោយ​កំណត់​មុខងារ​កាត់​យកប្រាក់​ចំណេញ​ទីមួយ​នៅ​តម្លៃ ១,២១១២០ ឬ​ទី​ ២ នៅ​តម្លៃ ១,២១៤០០ និង​កំណត់​មុខងារ​បញ្ឈប់​ហានិភ័យ​នៅ​តម្លៃ ១,២០៤០០៕

Content image - Phnom Penh Post
លោក ជា ប្រាសិទ្ធ ប្រធាន​ផ្នែក​ប្រឹក្សា​យោបល់​ហិរញ្ញវត្ថុ​នៃ​ក្រុមហ៊ុន ហ្គោលដេន អេហ្វអិកស៍ លីង ឃែភីថល​។

អត្ថបទគួរចាប់អារម្មណ៍