The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន ព្រូដិនសល ប្រកាស​ចេញ​លក់​ផលិតផល «​មូស​សុំ​ចាញ់​»




ក្រុមហ៊ុន ព្រូដិនសល ប្រកាស​ចេញ​លក់​ផលិតផល «​មូស​សុំ​ចាញ់​»

Content image - Phnom Penh Post

ក្រុមហ៊ុន ព្រូដិនសល ប្រកាស​ចេញ​លក់​ផលិតផល «​មូស​សុំ​ចាញ់​»

ជា​ផលិតផល​ធានារ៉ាប់រង​មាន​តម្លៃ​សមរម្យ​លើ​ប្រព័ន្ធ​ឌីជីថល​ដំបូងបង្អស់​នៅ​កម្ពុជា ដែល​អាច​រក​ទិញ​បាន​លើ Pulse by Prudential ដែលជា​កម្មវិធី​សុខភាព និង​សុខុមាលភាព​នៅលើ​ទូរស័ព្ទដៃ​។

រដូវវស្សា​បាន​ឈានចូល​មកដល់​បាន​នាំនូវ​ក្តីបារម្ភ​ពី​ការឆ្លង​ជំងឺគ្រុនឈាម និង​គ្រុនចាញ់​មកដល់​ប្រជាជន​កម្ពុជា​យើង​។ ដូចនេះហើយ ដើម្បី​ជួយ​សម្រួល​ដល់​គ្រួសារ​កម្ពុជា​ក្នុង​ការរៀបចំ​ផែនការ​ហិរញ្ញវត្ថុ​សម្រាប់​ទប់ទល់​នឹង​ចំណាយ​លើ​ការដោះស្រាយ​បញ្ហា​សុខភាព​ដែល​មិនបាន​រំពឹងទុក បណ្តាល​មកពី​ជំងឺ​ឆ្លង​ទាំងពីរ​នេះ ព្រូដិនសល​កម្ពុជា ដែល​ជា​ក្រុមហ៊ុន​ឈាន​មុខ​គេ​ក្នុង​ការផ្ដល់​សេវា​ថែរក្សា​សុខភាព និង​ធានារ៉ាប់រង​តាម​ប្រព័ន្ធ​ឌីជីថល បាន​ប្រកាស​ចេញលក់​ផលិតផល​ធានារ៉ាប់រង «​មូស​សុំ​ចាញ់​» ដែល​មាន​តម្លៃ​ទាប ប៉ុន្តែ​អាចជួយ​សម្រួល​បន្ទុក​ចំណាយ​ដល់​អ្នក​ដែល​កើត​ជំងឺគ្រុនឈាម និង​គ្រុនចាញ់​។

«​បេសកកម្ម​របស់​ព្រូដិនសល គឺ​ធ្វើឱ្យ​ប្រជាជន​កម្ពុជា​អាច​ទទួល​បាន​ការធានា​រ៉ាប់រង​សុខភាព​ទាំងអស់​គ្នា ហើយ​ការដាក់ចេញ​ផលិតផល​ធានារ៉ាប់រង មូស​សុំ​ចាញ់ ដែល​មាន​តម្លៃ​ចាប់ពី $4 ក្នុង​មួយ​ឆ្នាំ​នេះ គឺជា​ឧទាហរណ៍​ជាក់ស្ដែង​មួយ​នៃ​ការបំពេញ​បេសកកម្ម​នេះ​។ នេះ​ក៏​ជា​ឱកាស​សាកល្បង​មួយ​សម្រាប់​ប្រជាជន​កម្ពុជា​ក្នុង​ការគិតគូ​ពី​ការការពារ​សម្រាប់​គ្រួសារ ដោយ​ចាប់ផ្តើម​ពី​ការធានា​រ៉ាប់រង​ទៅលើ​សុខភាព ហើយ​យើង​ក៏រីករាយ​ក្នុង​ការផ្តល់ជូន​ជម្រើស​នៃ​ការការពារ​ជាច្រើន ដើម្បី​សុខភាព និង​សុខុមាលភាព​ផ្នែក​ហិរញ្ញវត្ថុ​របស់​ពួកគាត់​»​។ នេះ​ជា​ការបញ្ជាក់​របស់លោក Sanjay Chakrabarty អគ្គនាយក​នៃ​ក្រុមហ៊ុន​ព្រូដិនសល​កម្ពុជា​។

ផលិតផល​ធានារ៉ាប់រង «​មូស​សុំ​ចាញ់​» នេះ​ត្រូវ​បាន​ប្រកាស​នៅ​ថ្ងៃទី ២៤ ខែឧសភា ដែល​មាន​ផ្ដល់ជូន​ជា 4 ​កញ្ចប់ និង​មាន​អត្ថប្រយោជន៍​ផ្សេង​ពីគ្នា សម្រាប់​អតិថិជន​ជ្រើសរើស និង​មាន​តម្លៃ​សមរម្យ​ស្របតាម​តម្រូវការ​ជាក់ស្ដែង​នៃ​គ្រួសារ​នីមួយៗ ហើយ​អាច​លក់​ជូន​ប្រជាជន​នៅ​កម្ពុជា ដែលមាន​អាយុ​ពី 1 ​ឆ្នាំ ដល់ 60 ​ឆ្នាំ ហើយ​អតិថិជន​អាច​បន្ត​សុពលភាព បណ្ណ​សន្យា​រ៉ាប់រង​ដែល​បាន​ទិញ​នោះ​ក៏បាន ឬមួយ​ទិញ​ផលិតផល​នេះ​ជាថ្មី​ក៏បាន​ជា​រៀងរាល់​ឆ្នាំ​។

ដើម្បី​ទិញ​ផលិតផល​ធានារ៉ាប់រង «​មូស​សុំ​ចាញ់​» អតិថិជន​ត្រូវ​ទាញយក​កម្មវិធី Pulse ពី App Store ឬ Google Play Store រួច​ចូលទៅ​កាន់​មុខងារ​លក់​ផលិតផល​អេឡិចត្រូនិក​ឈ្មោះ PRU Shoppe ដើម្បី​ទិញ​។

អំពី Pulse by Prudential

Pulse by Prudential គឺជា​កម្មវិធី​សុខភាព​លើ​ទូរស័ព្ទដៃ ប្រជុំ​ទៅដោយ​មុខងារ​សម្បូរបែប ហើយ​ជា​កម្មវិធី​ដំបូងបង្អស់​ក្នុង​តំបន់ ដែល​ផ្ដល់​ទិដ្ឋភាព​ទាំង​មូលនៃ​ការគ្រប់គ្រង​សុខភាព​ជូន​អ្នកប្រើប្រាស់​។ កម្មវិធី​ដែល​ដំណើរការ​ដោយ​យន្ត​បញ្ញា​និមិត្ត (AI-Powered) និង​ផ្ដល់​ព័ត៌មាន​ពាក់ព័ន្ធ​ទាន់​ពេលវេលា​នេះ​នឹង​នៅ​ជាមួយ​អ្នកប្រើប្រាស់​គ្រប់​ពេល ដើម្បី​សុខភាព និង​សុខុមាលភាព ហើយ​ផ្ដល់​លទ្ធភាព​ជូន​ពួកគាត់​ឱ្យ​អាច​បង្ការ ពន្យារ និង​ទទួលបាន​ការការពារ​លើ​ការចាប់ផ្ដើម​នៃ​ជំងឺ​នានា​។

Pulse ជា​ផ្នែក​មួយ​នៃ​យុទ្ធសាស្ត្រ​ទូទាំង​តំបន់​នៃ​ក្រុមហ៊ុន​ព្រូដិនសល ដែល​មានបំណង​ធ្វើឱ្យ​ប្រជាជន​គ្រប់រូប​ក្នុង​ទ្វីបអាស៊ី​មានលទ្ធភាព​ទទួលបាន​សេវា​ថែរក្សា​សុខភាព​ដែល​ល្អ តាមរយៈ​ការប្រើប្រាស់​បច្ចេកវិទ្យា​ឌីជីថល និង​កិច្ចសហការ​ជាមួយ​ដៃគូ​ដ៏ល្អៗ​ជាច្រើន​។

បន្ទាប់ពី​ដាក់​ឱ្យ​ប្រើប្រាស់​នៅ​ប្រទេស​ម៉ាឡេស៊ី​កាលពី​ខែសីហា ២០១៩ កម្មវិធី Pulse ឥឡូវនេះ​ក៏​បាន​ដាក់​ឱ្យ​ប្រើប្រាស់​នៅ​បណ្ដា​ប្រទេស​ចំនួន ១១ ថែមទៀត ហើយ​មាន​ដាក់​បញ្ចូល​មុខងារ​ល្អៗ​ជាច្រើន​ដូចជា មុខងារ​ពិនិត្យ​រោគ​សញ្ញា (Symptom Checker) ការវាយតម្លៃ​លើ​សុខភាព (Health Assessment) សេវា​សុខុមាលភាព​បុគ្គល និង​ការពិគ្រោះ​យោបល់​តាម​វីដេអូ​ជាមួយ​វេជ្ជបណ្ឌិត និង គ្រូពេទ្យ​ឯកទេស​។

ចាប់តាំងពី​បាន​ដាក់​ឱ្យប្រើប្រាស់​រៀងមក Pulse មាន​អ្នក​ទាញយក​មកប្រើប្រាស់​ចំនួន ៩ ​លាន​ដង​រួចហើយ​នៅក្នុង​ទ្វីបអាស៊ី​។

សម្រាប់​ព័ត៌មាន​បន្ថែម និង​ដើម្បី​ទាញ​យក​កម្មវិធី Pulse សូម​ចូល​ទៅ​កាន់​គហេទំព័រ www.wedopulse.com

អត្ថបទគួរចាប់អារម្មណ៍