.jpg)
ទិដ្ឋភាពផ្លូវវង់ធំ អមដោយទេសភាពដ៏ស្រស់ត្រកាលកំពុងបញ្ចេញសម្រស់ទាក់ទាញភ្ញៀវទេសចរនារដូវវស្សា។ រូបភាព:អាជ្ញាធរជាតិអប្សរា
ភ្នំពេញៈ ភ្ញៀវទេសចរជនជាតិថៃឈរនៅលំដាប់ទី ១ ដែលមានចំនួនជាង ៤ ម៉ឺននាក់ទស្សនាប្រទេសកម្ពុជា ខណៈភ្ញៀវទេសចរជនជាតិចិនឈរនៅលំដាប់ទី ២ មានចំនួន ២,៥ ម៉ឺននាក់ ក្នុងរយៈពេល ៤ ខែដំបូង ឆ្នាំ ២០២១។ នេះបើតាមទិន្នន័យរបស់ក្រសួងទេសចរណ៍ដែលទើបនឹងចេញផ្សាយថ្មីៗនេះ។
ទិន្នន័យនេះបង្ហាញថា ចាប់ពីខែមករា ដល់ ខែមេសា ឆ្នាំនេះប្រទេសកម្ពុជាទទួលស្វាគមន៍ភ្ញៀវទេសចរណ៍អន្តរជាតិសរុប ៨២ ៨៣៩ នាក់ ធ្លាក់ចុះ ៩៣ ភាគរយ ធៀបនឹងឆ្នាំ ២០២០ មានចំនួន ១ ១៦០ ០៦៧ នាក់។
ទិន្នន័យនេះឱ្យដឹងទៀតថា ក្នុងនោះភ្ញៀវទេសចរជនជាតិថៃមានចំនួន ៤១ ៧៩៤ នាក់ ចិន ២៥ ៩៨៦ នាក់ វៀតណាម ៤ ៨១៤ នាក់ និងឥណ្ឌូនេស៊ី ២ ៩៣៣ នាក់ ព្រមទាំង ភ្ញៀវទេសចរអន្តរជាតិមួយចំនួនទៀត រួមមាន កូរ៉េ តៃវ៉ាន់ អាមេរិក ម៉ាឡេស៊ី ជប៉ុន និងបារាំង។
គ្រឹះស្ថានអង្គរដែលគ្រប់គ្រងការលក់សំបុត្រចូលទស្សនារមណីយដ្ឋានអង្គរ បានរកចំណូលបានចំនួន ១៩៧ ២០៨ ដុល្លារក្នុងរយៈពេល ៥ ខែដើមឆ្នាំ ២០២១ ធ្លាក់ចុះ ៩៨,៩១ ភាគរយ បើធៀបនឹងរយៈពេលដូចគ្នាឆ្នាំ ២០២០។ នេះបើតាមសេចក្តីប្រកាសព័ត៌មាន៕
វីដេអូ៖
